Reforma zgjedhore/ “Tërmeti socialist”, tallet me Alibeajn dhe Vasilin

31 Tetor 2022, 11:59, Aktualitet CNA

Reforma zgjedhore/ “Tërmeti socialist”, tallet me Alibeajn dhe

Në Komisionin e Reformës Zgjedhore, deputetët e opozitës janë ankuar se drafti ka mbërritur me vonesë, në duart e tyre.

Deputeti i PD-së, Oerd Bylykbashi, ka thënë se ka një javë që presidenti i Republikës ka dekretuar datën e zgjedhjeve dhe drafti u ka shkuar vetëm tani.

Sipas tij, kjo vë në diskutim punën e organeve që do të hartojnë ndryshimet.

“Gjithë kjo turbullirë, nuk ka të drejtë parlamenti ta bëjë, ka subjekte të tjera që nuk janë në këtë sallë, mund të dëmtohen, mund të dëmtohen edhe këto forca që janë këtu.

Aq më tepër që vini edhe me paketa të mëdha, të ndryshojmë kodin zgjedhor, dhe drafti ka ardhur vetëm 5 muaj e gjysmë para zgjedhjeve. Kur do jemi në gjendje t’i themi subjekteve zgjedhore shihni se e keni fushën e lirë, ky komision të ketë të qartë se çfarë po bën, ndryshime që cenojnë procesin zgjedhor. Ne duhet të shohim çfarë nuk cënon procesin zgjedhor që ka nisur tashmë”, ka thënë Bylybashki.

Zërin ka tentuar ta ngrejë edhe deputeti i grupit të përçarësve.

Enkelejd Alibeaj, i cili ka futur në valle dhe deputetin 360 votash Petrit Vasilin.

Reforma zgjedhore/ “Tërmeti socialist”, tallet me Alibeajn dhe

“Javës së kaluar Vasili ka sjellë një shkresë, një nga cështjet kryesore që duhen adresuar janë rekomandimet e OSBE-ODIHR, në materialin që është shpërndarë, janë të paraqitura. Punës së ekspertit të PD-së nuk duhet t'u vendosen kufizime. Te ndryshimet që afektojnë zgjedhjet lokale, të ecet më shpejt. E nxjerrim nga shinat ndonjëherë komisionin për shkak të politikës”, ka thënë Alibeaj.

Nga ana tjetër “tërmeti” i PS-së, Damian Gjiknuri ka zhvlerësuar letrën e Vasilit.

Reforma zgjedhore/ “Tërmeti socialist”, tallet me Alibeajn dhe

Sipas tij nuk kishte asnjë risi.

“S’i dhashë rëndësi të veçantë. Të gjitha janë deklarime politike. Nuk ka asgjë të keqe. S’mund të hapim hapësirën e debatit pa fund se s’kemi një listë dëshirash. Ne do nisemi te disa parime. Unë jam me parimin që nëse opozita dëshiron që të mos prekim asgjë dhe për të ruajtur stabilitetin ligjor, e pranoj dështimin dhe të mos merremi me reformën zgjedhore.

E dyta jam dakord të shqyrtohen propozime për rolin e administratës. E kuptoj që opozita e ka merak rolin e shtetit, por shteti s’mund të ngrijë se ka zgjedhje. Shteti është mbi palët. Mendoj që të bëhet propozimi nga ekspertët për punën e bërë. Ose nëse keni ide ta ndërpresim këtë punë, s’më pëlqen dështimi, por shkoj për stabilitetin e vendit dhe qetësinë e opozitës”, ka thënë Gjiknuri./CNA.al