web counter
LEXO PA REKLAMA!

SHKARKO APP

App Store
Google Play

Zgjedhjet e 14 majit/ Berisha publikon mesazhin në "TikTok"

31 Tetor 2022, 13:16, Aktualitet CNA

Zgjedhjet e 14 majit/ Berisha publikon mesazhin në "TikTok"

Kryetari i Partisë Demokratike, ka postuar videon e radhës në "TikTok".

Përmes kësaj videoje, Berisha u ka bërë thirrje të gjithë atyre personave që mendojnë se mund të bëjnë një ndryshim në qytetin e tyre, që të marrin pjesë në garën e Primareve.

Kreu i PD-së shprehet se Primaret janë një ndryshim epokal, i cili i shërben demokracisë dhe zgjedhjeve të lira, duke i dhënë fund “kryetarokracisë”.

"Të dashur miqtë e mi në 'TikTok'. Kërkoj nga ju një minutë kohë për të ndarë me ju një mesazh shumë të rëndësishëm, për ju dhe demokracinë shqiptare. Kandidatët e opozitës për zgjedhjet vendore të vitit të ardhshëm, do të jenë prodhimi më i mirë politik, që vendi ka njohur ndonjëherë. Ata do të jenë vërtetë një 'dream team', dhe do t’iu shpjegoj se pse. Në komunitetet tona ka plot politikanë dhe jo politikanë të cilët kanë zgjidhjet më të mira për qytetet. Por ata për të konkurruar, kanë nevojë për mbështetjen e një partie të fuqishme, pa të cilën nuk mund të fitojnë. Kjo situatë merr zgjidhje në Primare. Në këtë proces, çdo kandidat që mendon se mund të sjellë ndryshimin në qytetin e tij, është i ftuar të marrë pjesë dhe përcaktues për këtë do të jenë votat e demokratëve dhe simpatizantëve të Partisë Demokratike. Partia Demokratike do të mbështesë fituesin me këtë votë, dhe t’i krijojë atij të gjitha mundësitë për të ushtruar më vonë te qytetarët e qytetit ku ai garon. Në këtë kontekst do të thoja se Primaret janë një ndryshim epokal. Atoi japin fund kryetarokracisë dhe vendosin në piedestal votën dhe vendimmarrjen e anëtarëve dhe simpatizantëve të Partisë Demokratike. Ky është ndryshimi dhe vetëm fillimi."- shprehet Berisha./CNA.al

@prof.dr.saliberisha ? original sound - Sali Berisha




Lajmet e fundit nga