web counter
LEXO PA REKLAMA!

SHKARKO APP

App Store
Google Play

“Për të të ardhur keq kur fermerët i hedhin prodhimet”/ Rama flet për ndryshimin e bujqësisë

31 Tetor 2022, 13:34, Aktualitet CNA

“Për të të ardhur keq kur fermerët i hedhin

Kryeministri Edi Rama është ndalur në Ersekë, ku ka zhvilluar një takim me fermerët e zonës.

Në takimin me ta Rama ka folur se parashikojnë të arrijnë këtë viti gjysmë miliardi euro eksporte.

“Fermerët kanë një prioritet, fshati ka një prioritet, ne jemi shumë të inkurajuar nga ecuria e rritjes së bujqësisë dhe e eksporteve. Fakti që e kemi nisur këtë përpjekje me 120 milionë euro eksporte.

Këtë vit po shikojmë javë pas jave ecurinë me dëshirën që ta arrijmë edhe atë kufirin e paparashikuar gjysmë miliardi euro eksporte, flet vetë për një realitet, i cili me gjithë vështirësitë e veta, me një prapambetje të trashëguar ku fshati u la në harresë totale, është një realitet që ndryshon për mirë natyrisht.

Fakti që janë shitur 80% e mollëve kjo flet shumë, për të ardhurat, por edhe për atë pjesë që nuk del në treg për shkak se nuk u përshtatet kushteve të reja dhe logjikës së tregut”, është shprehur Rama.

Sipas tij, tregut duhet t’i adaptohemi me kërkesat e tij dhe se është për të ardhur keq kush sheh fermerë që i hedhin prodhimet, por edhe më keq kur nuk i shikon nëse u referohesh ekraneve ata të cilët prodhimet e tyre i shesin me shumë sukses.

“Është shumë e rëndësishme që pamjet e realitetit të jenë të plota për të kuptuar secili ku është rruga e suksesit, sot një numër i madh fermerësh janë në rrugën e suksesit, sepse sot Shqipëria po punon dyfishin e territorit, kur ne ndërmorëm gjithë atë program për të çuar ujin në gjithë ato zona që ishin djerrë. Jo vetëm kaq, por nuk do kishte nevojë për më shumë pika grumbullimi, në rast se do të kishim një sektor në braktisje.

Nuk kemi një sektor në braktisje, por në rimëkëmbje të vazhdueshme. Janë më shumë të rinjtë që ikin nga fshati se ata që kthehen”, është shprehur më tej Rama./CNA.al





Lajmet e fundit nga