LEXO PA REKLAMA!

SHKARKO APP

Hetimet për Shkëlzen Selimin/ Avokati "nxjerr zbuluar" SPAK-un

31 Tetor 2022, 14:11, Aktualitet CNA

Hetimet për Shkëlzen Selimin/ Avokati "nxjerr zbuluar"

Sot me datë 31.10.2022 Prokuroria e Posaçme Kundër Korrupsionit dhe Krimit të Organizuar njoftoi se ka përfunduar hetimet për ish-gjyqtarin e Gjykatës së Lartë, Shkëlzen Selimi.

Lidhur me këtë njoftim avokati i ish-gjyqtarit, Ylli Manjani, është shprehur se Prokuroria e Posaçme nuk i ka njoftuar dhe se informacionin e kanë marrë nga mediat.

Avokati po ashtu cilëson se Prokuroria ka dështuar të kryejë hetime të plota, të drejta jo e jo, por dhe se kanë tejkaluar afatet ligjore. Pasi sipas tij hetimet kanë 18 muaj që vijojnë.

Deklarata e plotë:

Në lidhje me njoftimin e SPAK për dërgimin në gjyq të  ish-Gjyqtarit te Gjykates se Larte Shkëlzen Selimi dëshiroj të theksoj se:

1. Faleminderit medias që na njofton se çfarë vendimesh merr Prokuroria e Posaçme kundër Krimit dhe Korrupsionit, se ne sdimë gjë.  Prokuroria ende s’na ka njoftuar me aktet e dosjes,e as nuk i është përgjigjur kërkesave tona procedurale.

2. Prokuroria ka dështuar të kryejë hetime të plota, të drejta jo e jo,por dhe brenda afatit ligjor.(Hetimet kan 18 muaj qe vazhdojn)

3. Prokuroren e çështjes se kemi parë asnjëherë përgjatë hetimeve të tejzgjatura artificialisht.

4. Janë disa detyra procedurale që prokurorja nuk i ka kryer,ndaj nuk e kuptojmë se çfarë ka çuar në gjyq?!

5. Që prej janarit 2022 asnje veprim hetimor nuk është i vlefshëm.

6. Më shumë sesa kjo lloj prokurorie, jemi ne të interesuar që kjo çështje të shkojë në gjykatë e të gjykohet njëherë e përgjithmonë. 

7. Ende shpresojmë në gjykimin e drejtë e të paanshëm, të një çështje që ska qenë e as është çështje penale,aq më pak e juridiksionit të SPAk./CNA.al

Lajmet e fundit nga