web counter
LEXO PA REKLAMA!

SHKARKO APP

App Store
Google Play

Arben Kraja ankohet për Qeverinë/ Na ka ndërprerë buxhetin në mënyrë të dhunshme

31 Tetor 2022, 18:32, Aktualitet CNA
Arben Kraja ankohet për Qeverinë/ Na ka ndërprerë buxhetin
Kreu i SPAK-ut, Arben Kraja

Kreu i SPAK-ut, Arben Kraja u ankua ditën e sotme në Komisionin e Ligjeve në lidhje me fondet për SPAK-un në buxhetin e vitit 2022.

Kraja tha se herë pas here Qeveria i ka ndërprerë fonde të caktuara edhe pse nuk ka pasur një reagim nga ana e tij.

“Herë pas here me akt normative është ndërhyrë në buxhetin e SPAK duke ndërprerë fonde të caktuara. Nuk kemi reaguar”, u shpreh ai.

Kreu i SPAK deklaroi se nga viti 2023 kjo praktikë e dhunshme nuk duhet të ndodhë më sepse sipas tij ndikon në pavarësinë e institucionit.

“E kuptojmë krizën, por duke filluar nga 2023 nuk duhet bërë më një praktikë e tillë, e dhunshme. Nuk duhet të ketë prerje të njëanshme të dhunshme të buxhetit të një institucioni të pavarur sepse mendoj se futet tek kufizimet e pavarësisë së një institucioni për të funksionuar.

Në një situatë kur të kemi personelin e plotë do të na detyroni të mos paguajmë dikë, apo të mos bëjmë një punë”, theksoi Kraja.

Ndërkohë, kryetarja e Komisionit të Ligjeve, Klotilda Bushka tha se këto raste kanë qenë përjashtimore për shkak të krizës energjetike dhe situatës së shkaktuar nga lufta e Rusisë në Ukrainë.

Gjithashtu, Bushka kërkoi SPAK dhe Ministria e Financave të bien dakord dhe të gjejnë një balancë mes nevojave dhe mundësive./ B.A. – CNA.al





Lajmet e fundit nga