Akuzat e Metës për falsifikim dhe manipulim të dosjes/ I përgjigjet Gentjana Sula

31 Tetor 2022, 19:06, Aktualitet CNA

Akuzat e Metës për falsifikim dhe manipulim të dosjes/ I

Kryetarja e Autoritetit të Dosjeve, Gentjana Sula

Kreu i Partisë së Lirisë, Ilir Meta në deklaratat e tij publike, ka akuzuar shpesh Autoritetin e Dosjeve për manipulim dhe falsifikim të dosjeve.

Këtyre akuzave, iu është përgjigjur, kryetarja e Autoritetit të Dosjeve, Gentjana Sula.

E ftuar në “Kontrast”, Sula u shpreh se në autoritet nuk ndodh gjë individuale , pasi ligjet e shtetit janë të tilla që ka regjistra, ka punë në grup, ka kamera, ka roje, ka bashkëpunim me organet, kështu që sipas saj manipulimi i një dokumenti në këto kushte bie.

“Të manipulosh një dokument zyrtar tek ne, e kemi thënë se dokumentacioni qoftë në letër është dhe mikrofil, ka 2 kopje që ekzistojnë, në autoritet nuk ndodh gjë individuale, ligjet e shtetit janë të tilla që ka regjistra, ka punë në grup, ka kamera, ka roje, do bashkëpunojmë me organet, manipulimi i tekstit bie”, u shpreh Sula.

Në lidhje me votimin në Kuvend për hapjet e dosjeve, Sula tha se nuk ka gjasa që të krijiohen konflikte shoqërore, por sipas saj problemi më i madh vjen nga keq përdorimi i informacionit.

‘Kemi rreth 800 vendime që kemi marrë për dokumentimin e internimeve. Sa i përket konflikteve shoqërore, ne nuk kemi dëgjuar ndonjë rast. Kemi qindra raste që marrin dosjen e ndjekjes, shikojnë pseudonimet dhe nuk duan që të shkojnë deri tek identifikimi i personave. Bëhet fjalë për një shtresë shoqërore të ngritur. Bëhet fjalë për disidentët, janë njerëz që kanë një lloj niveli dhe kjo demonstrohet edhe me një lloj paqeje që kanë treguar. Nuk më ka rezultuar asnjë rast. Problem më i madh vjen nga keq përdorimi i informacionit. Dokumentet aty kanë qenë. Publikimi i tyre dhe keqpërdorimi i tyre, bëhet sebet konflikti.

Sot kisha kërkesa të reja mbi tavolinë dhe akoma nuk ka filluar efekti i ligjit. Kështu ka goxha kërkesa! Ishte një zonjë, rasti i mbi 50 i djalit të saj i cili ka kaluar 17 vite në internim, i cili nuk ka punuar për shkaqe shëndetësore dhe quhet fare ajo periudhë që ka kaluar atje si periudhë pensioni. Janë mbi 50 raste fëmijësh. Ata kanë shoqëruar familjet, janë mohuar dhe nga arsimi. Kanë pasur kushte diskriminimi. Ka nga ata që morën një faturë shumë të lartë. Këto janë raste që mua më trondisini. Është një histori aktuale’, tha Sula./ CNA.al