web counter
LEXO PA REKLAMA!

SHKARKO APP

App Store
Google Play

E fundit!

x

Patozi hedh dyshimet e forta/ “Kandidatët e Primareve mund të jenë të paracaktuar”

31 Tetor 2022, 20:38, Aktualitet CNA
Patozi hedh dyshimet e forta/ “Kandidatët e Primareve mund të
Ish-koordinatori i Bindjes Demokratike, Astrit Patozi

Ish-koordinatori i Bindjes Demokratike, Astrit Patozi, ka deklaruar se partia "Bindja Demokratike" do të garojë e vetme në zgjedhjet vendore pasi nuk e sheh veten brenda konfliktit të PD-së.

I ftuar në emisionin "Radari Informativ", Patozi tha se ky konflikt pengon për të bashkëpunuar dhe për të garuar në krah të opozitës.

 “Ne vendosëm që të garojmë të vetëm. Nuk e gjejmë veten brenda konfliktit të PD-së. Nuk ndajmë të njëjtat mendime me aleancën Meta-Berisha. Konflikti brenda PD-së na pengon për të bashkëpunuar dhe për të garuar me opozitën”, u shpreh Patozi.

Gjithashtu Patozi bëri deklaratën e fortë duke hedhur dyshime se kandidatët e primareve janë të paracaktuar.

“Aleanca me PL nuk e bën PD më të madhe. Çdo bashkim mekanik që nuk është i natyrshëm, por që është thjesht për të kaluar njërin lumë siç janë zgjedhjet tani, nuk është se ka perspektivë afatgjate. Meta – Berisha kanë pasur marrëdhënie të pasinqerta, është faturë që do të paguhet, uroj të kalohet me sa më pak dhimbje. Nuk kam asgjë të përbashkët me aleancën Berisha-Meta. Kam frikë se kandidatët për primaret janë të paracaktuar”, tha Patozi./ CNA.al





Lajmet e fundit nga