web counter
LEXO PA REKLAMA!

SHKARKO APP

App Store
Google Play

E fundit!

x

“O zot të qash apo të qeshësh”/ Rama reagon sërish për udhëtimet me çarter

1 Nëntor 2022, 09:11, Aktualitet CNA

“O zot të qash apo të qeshësh”/ Rama reagon

Kryeministri Edi Rama ka reaguar sërish mëngjesin e sotëm ndaj akuzave të opozitën për miliona euro të shpenzuara në udhëtimet me çarter.

Duke iu referuar kërkesës së PD-së për ngritjen e Komisionit Hetimor, Rama shkruan se si bëhet transparenca kur u tregon shifrat dhe bëjnë sikur nuk kuptojnë.

“O Zot të qash a të qeshësh, vetëm këtu bën vaki të të dyndin me shpifje dhe të të thonë bëj transparencë! Po si bëhet kjo transparenca kur u tregon shifrat dhe bëjnë sikur nuk kuptojnë?! Po kur thonë pse i bën reklamë Shqipërisë? Po kujt t’i bëj, kanaleve, portaleve apo rublave?!

Jemi pyetur shumë herë këto vite për avionin ALBANIA dhe i kemi dhënë informacionet, po tani u bashkuan hakerat iranianë dhe grupi Rubla Çorba, kështu që u ngrit tymi lart se helbete, duhet hedhur sa më shumë blozë, “S’ka asnjë faj Putini, çohu o popull se duhet rrëzuar regjimi!”

Lëre pastaj kur thonë me charter udhëtojnë vetëm sheikët e diktatorët, ndërkohë që tërë qeveritë e rajonit, se Europës po e po, kanë avionët e tyre përjashto Shqipërinë e Kosovën! Ne se blejmë dot,me qera s’e marrim dot, ndaj kemi blerë orë fluturimi me marrëveshje promocionale!

Po ku është hilja thonë se s’ka mundësi?! Ka si s’ka! Hilja është ashiqare fare tek përpjekja non stop për ta helmuar, çoroditur, nxitur për sherr e për konflikt këtë popull me shpifje sa më të përbindshme, nisur nga gjysëm të vërteta që janë edhe gënjeshtrat më të mëdha”, shkruan Rama në rrjete sociale./CNA.al

“O zot të qash apo të qeshësh”/ Rama reagon





Lajmet e fundit nga