web counter
LEXO PA REKLAMA!

SHKARKO APP

App Store
Google Play

E fundit!

x

Rama i përgjigjet “Top Channel”-it/ S'kam asgjë të përbashkët me topat e mediave të baltës

27 Tetor 2022, 22:03, Aktualitet CNA
Rama i përgjigjet “Top Channel”-it/ S'kam asgjë
Fotomontazh

Televizioni “Top Channel” ka bërë një kronikë në lidhje me publikimet e bëra ditën e sotme nga hakerat për udhëtimet e kryeministrit Edi Rama.

"Top Channel" raportoi se kryeministri përdori mbi 50 herë charter në dy vitet e fundit.

Për këtë ka ardhur një reagim i menjëhershëm i kreut të qeverisë, i cili i është përgjigjur këtij televizioni.

Rama ka theksuar se nuk ka asgjë të përbashkët me topat e mediave të baltës dhe udhëtimet e punës i bën me një avion, jo me charter komercial.

“Sikur udhëtimet e mia të punës t’u kushtonin shqiptarëve sa llogaritë që bëjnë nongratat, spiunët dhe topat e mediave të baltës, unë do të isha thjesht njëri prej tyre, po nuk kam asgjë të përbashkët me ta që më ngatërrojnë me veten dhe me charter-at e tyre!

Avioni që unë përdor për udhëtime pune nuk është një charter komercial, po një avion për të cilin jam akuzuar edhe më parë nga të njëjtët delenxhinj dhe i kemi dhënë të plota faktet se pse dhe si konkretisht bëhet fjalë për shpenzime brenda buxhetit të gjithëhershëm të qeverisë!

Sot nuk kam ndërmend të risqaroj të njëjtën akuzë, për të cilën kush dëshiron mund t’i referohet sqarimeve të mëparshme, ndërkohë që qeveria iraniane dhe opozitarianianët shqiptarë e këndojnë atë njëzëri! Çfarë neverie!”, shkruan kryeministri në rrjetet sociale./ B.A. – CNA.al





Lajmet e fundit nga