web counter
LEXO PA REKLAMA!

SHKARKO APP

App Store
Google Play

E fundit!

x

Sulmet kibernetike/ Qeveria “hap thesin” në investimet për teknologjinë

27 Tetor 2022, 11:58, Aktualitet CNA

Sulmet kibernetike/ Qeveria “hap thesin” në investimet për

Ministri i Brendshëm, Bledi Çuçi, deklaroi në Komisionin e Sigurisë se në buxhetin e vitit 2023 janë parashikuar 7,6 herë më shumë investime për teknologjinë dhe mbrojtjen nga sulmet kibernetike.

Fonde të vetë ministrisë janë parashikuar 547 milionë lekë, ndërsa me fonde të AKSHIT janë parashikuar 278 milionë lekë.

 “Ia kemi dalë mbanë që buxheti i vitit 2023 për Ministrinë e Brendshme të jetë më i lartë se i vitit që po mbyllet. Ne kemi alokuar pjesën më të madhe të buxhetit për Policinë e Shtetit, plot 19.5 miliardë lekë ose një rritje 16% krahasuar me buxhetin e vitit 2022. Si asnjëherë më parë investimet në Policinë e Shtetit, të cilat zënë pjesën më të madhe në buxhetin e Ministrisë së Brendshme, do të jenë në masën 56% më shumë se viti aktual. Fokusi me këtë buxhet të ri është edhe më i përqendruar te përmirësimi i infrastrukturës teknologjike dhe sistemeve dixhitale me standardet me të mira dhe rritjen e parametrave të sigurisë kibernetike për të parandaluar dhe përballuar sulmet apo incidentet kibernetike”, tha ministri Çuçi.

Ministri i Brendshëm ka folur edhe për rritjen e pagave të punonjësve të policisë.

Sipas tij është bërë një rritje prej 15% nga e cila përfitojnë jo pak por rreth 75% e trupës policore.

“Kjo është një rritje dyfish më shumë krahasuar me pjesën tjetër të administratës që përfitoi vetëm 7%, por plotësisht e justifikuar sepse punonjësit e Policisë së Shtetit përballen me vështirësi të jashtëzakonshme për të garantuar jetën dhe pronën e qytetarëve”, tha ministri Çuçi./CNA.al





Lajmet e fundit nga