E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Përçarësit zhurmues “kapen” pas Gledis Nanos/ Ja si i “përkthejnë” deklaratat e ambasadores Yuri Kim

27 Tetor 2022, 10:44, Aktualitet CNA

Përçarësit zhurmues “kapen” pas Gledis Nanos/ Ja si

Komisioni për Sigurinë Kombëtare është përfshirë sërish sot nga debatet.

Deputët e grupit përçarës të PD-së, vijojnë të bëjnë zhurmuesin si në çdo komision.

Sot ndërsa kishin përballë Ministrin e Brendshëm, Bledi Çuçi, ata janë i rikthyer sërish shkarkimit të Gledis Nanos.

Ferdinand Xhaferraj ka kërkuar nga Çuçi arsyen e shkarkimit të Gledis Nanos, duke përmendur edhe një deklaratë të ambasadores amerikane Yuri Kim, sipas së cilës, Nano ishte partner i fortë.

“Nuk dua të ndodhem para situatave të pakëndshme që të më ndërprisni fjalën. Nga 13 shtatori, kemi kërkuar, 1/3 kemi kërkuar prezencën në mënyrë urgjente të ministrit të Brendshëm lidhur me situatës së rendit dhe shkarkimin e Gledis Nanos. E kërkuam këtë seancë urgjente sepse po atë ditë, aleati ynë strategjik, SHBA-ja, ambasadorja Yuri Kim, në një status qartësonte se Nano ishte partner i fortë me shumë kontribute. Nëse nuk ishin interesat e aleatit strategjik, kush ishin interesat që e shkarkuan?”, është shprehur Xhaferraj.

Ministri Çuçi pavarësisht kontestimeve të anëtarëve të mazhorancës se shkarkimi i Nanos nuk ishte pikë e rendit të ditës, ka zgjedhur të përgjigjet.

“Pa dashur t’ju marr kohë nga rendi i ditës, vetëm 2 sqarime shumë të thjeshta për këtë çështje. Shkarkimi dhe emërimi i drejtorit të Përgjithshëm është administrativ dhe çdo procedurë është bërë sipas ligjit. E dyta, lidhet me partneritetin tonë me SHBA-në. Ju garantoj dhe jam i bindur që edhe ju e dini po kaq mirë se s’ka asnjë përplasje me partnerin tonë strategjik. Ata kanë bërë falënderim për ish-drejtorin dhe i kushtohet pjesës kur ka qenë drejtor i antiterrorit dhe ka pasur lidhje më të ngushtë në atë pozicion. Nuk ka asnjë përplasje, madje asnjë korrespondencë lidhur me këtë gjë, kështu që nuk ka asgjë okulte sepse çdo shkak duhet të ketë edhe pasojën nëse duhet të ketë një situatë okulte që mbështjell këto lëvizje. Është çështje pa rëndësi për opinionin publik. Kam ardhur për sulmin kibernetik. Po pres raportin e FBI-së dhe Microsoft dhe doja të vija me raport profesionistësh e të mos flisnim me çfarë kemi parë deri tani”, është shprehur Çuçi./CNA.al