web counter
LEXO PA REKLAMA!

SHKARKO APP

App Store
Google Play

“Gangsterja” e Bilishtit “përjashton” nga policia shefin e krimeve/ Syziu akuzohet për dhunë në zyrë

27 Tetor 2022, 08:48, Aktualitet CNA

“Gangsterja” e Bilishtit “përjashton” nga policia

Deizi Arapi, e njohur si gangsterja e Bilishtit,  dhe përplasjet e saj me persona të tjerë kanë çuar në përjashtimin e shefit të krimeve në komisariatin e Devollit, Pashk Syziu.

Një natë më parë Drejtori i Përgjithshëm i policisë, Muhamet Rrumbullaku ka komunikuar lajmin e përjashtimit të efektivit të policisë. 

“Komisar Pashk Syziu, me detyrë Shef i Krimeve i Komisariatit të Policisë Devoll, është përjashtuar menjëherë nga Policia e Shtetit, për shkelje të Kodit të Etikës së Punonjësit të Policisë së Shtetit gjatë përmbushjes së detyrës, pasi është konstatuar në paligjshmëri administrative me detyrat funksionale të punonjësit të Policisë së Shtetit dhe ka kryer veprime arbitrare, në tejkalim të kompetencave ligjore, gjatë trajtimit të një çeshtjeje”, thuhet në njoftimin e policisë.

Syziu është denoncuar më herët në media nga Marsel Buçi se e ka rrahur, ndërsa e ka thirrur në zyrë në lidhje me një denoncim të Deizi Arapit.

Mbrëmjen e 22 tetorit janë shoqëruar në komisariat shtetasja Deizi Arapi dhe shtetasi Marsel Buçi, të përfshirë në konflikt për djegien e makinës së këtij të fundit.

“Atje, në zyrën e shefit të krimeve, ku ishte prezent edhe një punonjëse policie, shefi i krimeve pa asnjë shkak më ka goditur në pjesë të ndryshme të trupit me grushte dhe shkelma. Nuk kam reaguar dhe kam qëndruar i qetë derisa hyri në zyrë një tjetër punonjës policie i cili e qetësoi situatën. Më pas shkoj te drejtoria e policisë dhe bëj denoncimin në AMP. Ndihem i kërcënuar, jam shumë i prekur nga kjo situatë dhe ndihem i pasigurt dhe jo i qetë”, ka rrëfyer Buçi për mediat.

Nga ana tjetër Syziu i ka mohuar akuzat, por kjo nuk i ka vlejtur pasi tashmë ëhstë përjashtuar nga radhët e policisë./CNA.al





Lajmet e fundit nga