web counter
LEXO PA REKLAMA!

SHKARKO APP

App Store
Google Play

E fundit!

x

"Jam i habitur"/ Deputeti i PD-së reagon pas akuzave të "gangsteres" së Bilishtit: Do të ngre padi për shpifje

25 Shtator 2022, 13:28, Aktualitet CNA
"Jam i habitur"/ Deputeti i PD-së reagon pas akuzave të
Bledjon Nallbati dhe Deizi Arapi

Ish-kryebashkiaku i PD-së, Bledjon Nallbati, ka reaguar pas akuzave që i janë drejtuar sot nga 27-vjeçarja Deizi Arapi. 

Vajzës i është djegur makina e dytë tip "Benz", ndërkohë që kur është pyetur nëse dyshon te ndonjë person, ajo është përgjigjur se dyshon te deputeti Nallbati, me të cilin ka pasur edhe një konflikt, kohë më parë. 

Ky i fundit ka reaguar me habi nga Gjermania, ku jeton aktualisht, duke u shprehur se vajza është shtyrë nga dikush për ta bërë këtë deklaratë, teksa sqaroi se mes tyre nuk ka pasur asgjë më shumë sesa një konflikt verbal. 

Sakaq, Nallbati shprehet se sapo të kthehet në Shqipëri, do të ngrejë një padi për shpifje kundrejt 27-vjeçares Deizi Arapi. 

“Jam i habitur nga këto akuza. Unë kam pasur vetëm një konfkikt verbal kur isha kryebashkiak, por asgjë më tepër. Besoj se është nxitur nga dikush tjetër për të bërë këto akuza. Sa i përket puntorit tim nuk mbaj përgjegjesi për çdo puntor që kam, me kë zihen dhe çfarë bëjnë. Sapo të kthehem nga Gjermania do të bëj një kallëzim për shpifje”, tha ai./CNA.al





Lajmet e fundit nga