E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Dy makina të djegura, luksi në rrjetet sociale dhe skamja në familje/ Kush është “gangsterja” e Bilishtit, Deizi Arapi

25 Shtator 2022, 13:29, Aktualitet CNA

Dy makina të djegura, luksi në rrjetet sociale dhe skamja në

Foto ilustruese

Në orët e para të mëngjesit të sotëm, makina e 27-vjeçares nga Bilishti, Deizi Arapi, është gjetur e djegur pranë banesës së saj.

Pas ngjarjes, nuk ka vonuar edhe reagimi nga 27-vjeçarja, e cila në dëshminë e saj ka hedhur dyshime të forta se kjo ngjarje ka ndodhur pasi ka pasur një konflikt vite më parë me ish-kryebashkiakun, Bledjon Nallbati.

"Jeta ime është në rrezik. I kërkoj ndihmë shtetit pasi është hera e dytë që më ndodh dhe ka lidhje me një konflikt të vjetër. 4 vite më parë mamaja ime është pushuar nga puna si pastruese padrejtësisht dhe unë jam konfliktuar me ish-kryebashkiakun Bledion Nallbati (aktualisht deputet). Pas konfliktit m'u dogj makina e parë. Dje gjatë gjithë ditës më ka ndjekur një person me të cilin dhe kam shkëmbyer fjalë mbrëmë. Ai është punonjës i karburantit në pronësi të Bledion Nallbatit. Në vendngjarje është gjetur një bidon benzine nga ky karburant ashtu si herën e kaluar. Djegien e makinës së parë policia e konsideroi aksidentale, por ja që ngjarja po përsëritet. Nëse nuk merren masa nuk është çudi që unë të përfundoj në ndonjë kanal."- shprehet 27-vjeçarja Dezi Arapi.

Por kjo nuk është hera e parë që i ndodh një gjë e tillë. 27-vjeçares në vitin 2018 i është djegur edhe një makinë tjetër, tip “Smart”.

Por kush është Deizi Arapi?

Deizi Arapi nuk është një emër i panjohur për policinë. Rreth një muaj më parë 27-vjeçarja është arrestuar për prishje të qetësisë publike.

Ajo u konfliktua me punonjësit e policisë gjatë shoqërimit në Komisariat pas ankesave të banorëve për prishje të qetësisë publike.

Dy makina të djegura, luksi në rrjetet sociale dhe skamja në

27-vjeçarja, së bashku me të motrën, Xhesika Arapi, u shoqëruan në komisariat më 23 gusht, pasi gjatë natës ndërsa udhëtonin me makinën e tyre bërtisnin nëpër qytet. Kur policia mbërriti për t’i shoqëruar, motrat nuk kursyen fjalorin banal ndaj uniformave blu. Por jo vetëm kaq.

Deizi, së bashku me motrën e saj, Xhesika Arapin, janë bërë të njohura në rrjetet sociale ku shpesh tregonin për jetën e luksit që bënin, por në fakt e vërteta qëndronte ndryshe.

Dy makina të djegura, luksi në rrjetet sociale dhe skamja në

Sipas lajmeve që qarkullojnë në media, nëna e saj prej vitesh punon sanitare në gjimnazin e qytetit. Ajo është këngëtarja mirditore, Luljeta Përbasha, e cila rreth një vit më parë bënte thirrje për t’i ndërtuar shtëpinë pasi jetonte në skamje.

61-vjeçarja tregonte një vit më parë se jetonin me fitimet e nxjerra nga mbledhja e lajthive në fushat e Devollit dhe me lekët e kempit të bashkëshortit.

Dy makina të djegura, luksi në rrjetet sociale dhe skamja në

Këto janë dy botët e Diezit dhe motrës së saj, në njërën anë jeta e luksit në rrjetet sociale dhe nga ana tjetër skamja në të cilën kanë jetuar prindërit e saj./ CNA.al