web counter
LEXO PA REKLAMA!

SHKARKO APP

App Store
Google Play

E fundit!

x

Topalli shpërthen ndaj qeverisë: Skandal, kjo nuk ka ndodhur kurrë në historinë e parlamentarizmit

26 Tetor 2022, 14:17, Aktualitet CNA
Topalli shpërthen ndaj qeverisë: Skandal, kjo nuk ka ndodhur
Ish-kryeparlamentarja, Jozefina Topalli

Ish-kryeparlamentarja, Jozefina Topalli, ka shpërthyer ndaj qeverisë.

Përmes një statusi në rrjetet sociale, Topalli shkruan se nuk ka ndodhur kurrë në historinë e parlamentarizmit shqiptar, që ky institucion të diskutojë për buxhetin e shtetit pa pasur paketën fiskale.

Këtë Topalli e ka konsideruar si një skandal si dhe ka bërë thirrje se kjo qeveri duhet larguar.

"Skandal!

Në historinë e parlamentarizmir shqiptar të këtyre 3 dekadave nuk ka ndodhur kurrë , që ky institucion të diskutojë për buxhetin e shtetit pa pasur paketën fiskale.

Në Kuvend në fillim paraqitet paketa fiskale, diskutohet dhe miratohet ( edhe me ndryshime) kjo, pastaj fillon shqyrtimi i projektligjit të buxhetit të shtetit.

E kundërta është gjëja më absurde dhe qesharake që mund të imagjinohet.

Është njëlloj sikur të shkosh në dyqan me ble pa asnjë lekë në xhep.

Tallja me institucionin e parlamentit është turpi i vetë maxhorancës, është të fyesh dinjitetin e çdo deputeti në Kuvend e mbi të gjitha është të luash me çdo qytetar shqiptar.

Kur pastaj e din se për shkak të korrupsionit të çmendur, të krizës së çmimeve, të çmimeve të transportit, të rënies të fuqisë blerëse, të rritjes së inflacionit stresi i çdo familje shqiptare është rritur si kurrë më parë në tre dekada, kjo pastaj merr emrin pa shpirtësi!

Arroganca në raport me shtetin, me pasigurinë e qytetarëve tuaj, me zbrazjen e vendit ka nevojë vetëm për një përgjigje:- Ndryshim!

Rasti i fundit është rasti exemplar i rrëzimit te parlamentarzmit ku, mbështetet Republika jonë!

Deputetët, që mbrojnë këtë absurd do të rregjistrohen në historinë e parlamentit si turpi i tij!

Kjo qeveri duhet larguar!", shkruan Topalli./ CNA.al





Lajmet e fundit nga