web counter
LEXO PA REKLAMA!

SHKARKO APP

App Store
Google Play

E fundit!

x

Mashtrim me bursa "online"/ Zhvatën 10 mln euro dhe pastruan paratë në kriptovalutë

26 Tetor 2022, 10:58, Aktualitet CNA

Mashtrim me bursa "online"/ Zhvatën 10 mln euro dhe pastruan

SPAK-u ka dalë në një konferencë të përbashkët me autoritete italiane për të dhënë detaje nga operacioni përbashkët midis dy vendeve për çmontimin e një rrjeti mashtrues shqiptarësh që zhvatën miliona euro nga qytetarët italianë nëpërmjet mashtrimit në bursë me "call center".

Autoritetet italiane kanë  zbuluan nga përgjimet e rreth 42,000 telefonatave të bëra në këto qendra “Call Center” në Tiranë, se vlera e parave të përfituara nga mashtrimi i italianëve arrin në 10 milionë euro.

Prokurori Eneid Nakuçi tha se viktimat ishin kryesisht shtëpiakë, pensionistë që kishin dëshirë të fitonin para me lehtësi.

“Kryesisht viktimat ishin shtëpiake, shtëpiakë, pensionistë që kishin dëshirë të fitonin para me lehtësi. Besnikëria e klientit ishte kaq efikase saqë viktima e kishte lejuar mashtruesin të hynte në kompjuterin e tyre. Kur viktimat refuzonin mashtruesit bëheshin agresivë, duke i kërcënuar me të dhënat personale që kishin. Mashtronin nëpërmjet blerjeve në Amazon  dhe investimeve në Bitcoin”, ka thënë Nakuçi.

Hetimet zbuluan se bëhet fjalë për fjalë një skemë mashtrimi komplekse, e cila përfshinte dhe pastrimin e shumave të parave vjedhura në vende të ndryshme anëtare të BE-së, përfshirë Qipron, Lituaninë, Estoninë, Holandën dhe Gjermaninë, dhe shndërrimin e tyre në kriptovaluta.

Nga telefonatat e kryera rezulton se janë marrë kontaktet e 90 mijë shtetasve italianë që do të telefonoheshin nga operatorët e punësuar në qendrat ‘Call Center’ dhe do t’i bëhej propozim për të investuar në bursa.

Përveç serverit në Tiranë, të njëjtën kohë në edhe në Itali u sekuestrua serveri i përdorur nga shoqata për të errësuar gjurmët e saj kompjuterike dhe për të penguar hetimet./CNA.al





Lajmet e fundit nga