Një hetim për menaxhimin e pandemisë Covid-19 në Mbretërin...
Grupi përçarës i Alibeajt tensionon Metën/ “Koorporatë e fëlliqur e korruptuar nga Edi Rama”
25 Tetor 2022, 22:36, AktualitetCNA
Kryetari i Partisë së Lirisë, Ilir Meta
Pak ditë më parë, grupi përçarës i Enkelejd Alibeajt ka votuar pro hapjes së dosjeve për bashkëpunëtorët e ish-sigurimit të shtetit.
Sipas tyre, nuk duhet pasur frikë nga hapja e dosjeve, ndërkohë që deklaratat kanë tensionuar kreun e Partisë së Lirisë, Ilir Meta.
Pak minuta më parë në rrjetet sociale, përmes një statusi, Meta, u është drejtuar me tone të ashpra, duke thënë se të gjithë rilindasit mavi dhe blu të mprehin brisqet për të lidhur emrin e Ilir Metës me Sigurimin e Shtetit.
Meta shkruan se në opozitë nuk ka për të pasur as Lul dhe as Lulashë.
“Turp për të gjithë ata faqezinj që bëjnë si opozitarë dhe janë vetëm korporata të fëlliqura të korruptuara nga Edi Rama”, shkruan më tej kreu i Partisë së Lirisë në postimin e tij.
“Të gjithë rilindasit mavi dhe blu të 'mprehin' brisqet për të lidhur emrin e Ilir Metës me Sigurimin e shtetit. Inkriminimi i Autoritetit të manipulimit të dosjeve Rama-Basha me falsifikime dhe manipulime të opinionit publik do të marrë përgjigjen e duhur dhe ndëshkimin ligjor. Asgjë nuk e ndal Ilir Metën në misionin e tij për të rivendosur pluralizmin politik. Çështjen e I.M e ka sqaruar vetë personi i përndjekur nga Sigurimi i Shtetit. Turp për të gjithë ata faqezinj që bëjnë si opozitarë dhe janë vetëm korporata të fëlliqura të korruptuar nga Edi Rama. Në krye të opozites s'ka për të pasur as Lul dhe as Lulushë. Shpresoj që emisionet e stisura për rëndësinë e 'hapjes' së dosjeve të mos sponsorizohen nga paratë e incineratorëve”, shkruan Meta./ CNA.al
