E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

“Shqipëria, partner shumë i besueshëm i SHBA”/ Escobar: Është faktor stabiliteti global

25 Tetor 2022, 19:16, Aktualitet CNA

“Shqipëria, partner shumë i besueshëm i SHBA”/

Zëvendës-Ndihmës Sekretari i Shtetit për Evropën dhe Euroazinë, Gabriel Escobar

Zëvendës-Ndihmës Sekretari i Shtetit për Evropën dhe Euroazinë, Gabriel Escobar, ka folur mbrëmjen e sotme për dialogun strategjik mes SHBA-ve dhe Shqipërisë.

Escobar tha se në këtë dialog do të bisedohet për çdo marrëdhënie dypalëshe, ndërsa e cilësoi vendin tonë si një partner shumë të besueshëm të SHBA-ve.

Ai deklaroi për Zërin e Amerikës se Shqipëria është bërë një faktor stabiliteti global, ndaj dhe theksoi se është e rëndësishme që të bashkërendohen qëndrimet.

“Do të thoja gjithçka që ka të bëjë me marrëdhëniet dypalëshe. Ky është takimi më i rëndësishëm mes përfaqësuesve të Shteteve të Bashkuara dhe përfaqësuesve të Shqipërisë në historinë moderne. Ne do të kemi përfaqësues nga Departamenti i Shtetit, Departamenti i Mbrojtes, ai i Tregëtisë, Korporata Financiare për Zhvillimin Ndërkombëtar, si dhe agjenci të tjera qeveritare për të gjetur rrugë për të thelluar bashkëpunimin strategjik. Në vitet e fundit Shqipëria është bërë një partner shumë i besueshëm për Shtetet e Bashkuara. Shqipëria luan një rol të rëndësishëm për stabilitetin rajonal dhe atë në Evropë. Tani që Shqipëria është anëtare e Këshillit të Sigurimit të OKB-së, vendi është bërë një faktor stabiliteti global. Pra është e rëndësishme që të vazhdojmë të bashkërendojmë qëndrimet tona”, u shpreh i dërguari special për Ballkanin.

Gjithashtu, ai falenderoi Shqipërinë për partneritetin dhe shqiptarët për miqësinë e tyre.

“Doja të falenderoja qeverinë e Shqipërisë për partneritetin dhe popullin e Shqipërisë për miqësinë e tyre. Takimi i sotëm një ditor është një simbol jo vetëm i bashkëpunimit mes qeverive, por edhe i miqësisë së thellë mes popullit amerikan dhe popullit shqiptar”, nënvizoi Escobar./ B.A. – CNA.al