web counter
LEXO PA REKLAMA!

SHKARKO APP

App Store
Google Play

Administratat doganore të CEFTA-s, dakordësim teknik për një sistem elektronik

25 Tetor 2022, 18:16, Aktualitet CNA

Administratat doganore të CEFTA-s, dakordësim teknik për një

Administratat doganore në sistemet ekonomike të CEFTA-s kanë gjetur dakordësi në nivel teknik me Draft Vendimin për krijimin e një sistemi elektronik që lehtëson menaxhimin e përbashkët të riskut që lidhet me tregtinë e mallrave ndërmjet tyre.

Ky dakordësim teknik për sistemin elektronik u arrit në mbledhjen e mbajtur në Budva të Malit të Zi.

Zbatimi i vendimit do të mundësojë përcaktimin dhe shtjellimin në praktikë të një qasje rajonale për një menaxhim të përbashkët të riskut, që do të sjellin përparësi në shënjestrimin e riskut të lartë.

Këto sisteme synojnë të përshpejtojnë zhdoganimin dhe formalitetet në kufi, në dobi të bizneseve.

Shkëmbimi i informacionit lidhur me riskun ndërmjet administratave doganore të CEFTA-s është ende në një fazë fillestare.

Pasi vendimi të miratohet, do të krijohet një bazë të dhënash, ku do të indentifikohen parregullsitë, në funksion të menaxhimit të riskut dhe shkëmbimit të të dhënave për profilet e riskut brenda CEFTA-s, si dhe prodhimin e sinjalizimeve doganore të shpejta dhe raporteve të inspektimit brenda CEFTA-s.

Deutsche Gesellschaft für Internationale Zusammenarbeit (GIZ) GmbH është autorizuar nga Komisioni Evropian dhe Ministria Federale Gjermane për Bashkëpunim Ekonomik dhe Zhvillim (BMZ) për zbatimin e projektit “Mbështetje për Integrimin Ekonomik Rajonal”.

Projekti synon të ofrojë mbështetje për strukturat e CEFTA-s në përpjekjet e tyre për të thelluar më tej integrimin ekonomik rajonal dhe përafrimin me acquis të BE-së./ B.A. – CNA.al





Lajmet e fundit nga