E fundit!

07:08 Sociale

Vranësira dhe reshje shiu afatshkurtra/ Moti për ditën e sotme

Ditën e sotme vendi ynë do të ndikohet nga pothuajse e një...

Berisha në krye të PD/ Escobar thirrje demokratëve

25 Tetor 2022, 19:12, Aktualitet CNA

Berisha në krye të PD/ Escobar thirrje demokratëve

Foto ilustruese

Zëvendës-Ndihmës Sekretari i Shtetit për Evropën dhe Euroazinë, Gabriel Escobar, ka thënë për Zërin e Amerikës, se vendimi për shpalljen non grata të Sali Berishës, ishte një vendim institucional.

Sipas Escobar, ky ishte një vendim që u mor për shkak të korrupsionit që gjetën dhe iu bën thirrje institucioneve ta shqyrtojnë.

Gjithashtu një thirrje ka patur edhe për mbështetësit e PD, duke iu thënë të mendojnë për iamzhin që përcjellin, nëse në krye kanë njerëz të përcaktuar nga Sekretari i Shtetit për korrupsion.

Zëri i Amerikës: Dua t’ju pyes edhe për statusin e demokracisë në Shqipëri. Opozita, është në një gjendje të çorganizuar që pas shpalljes non-grata të ish Presidentit Sali Berisha. Vendimi e rigjallëroi atë, ai drejton sot partinë, ose të paktën shumicën e partisë. Mund të argumentohet se vendimi ndaj tij, në një farë mënyre pati efektin e kundërt, veçanërisht po të kihet parasysh se nuk u shoqërua me ngritje akuzash nga organet e drejtësisë. Si e ndihmojnë vendime të tilla betejën kundër korrupsionit në Shqipëri?

Zv/Ndihmës Sekretari Escobar: Vendimi për ta përcaktuar atë ishte një vendim institucional. Nuk ishte një vendim individual dhe nuk ishte një vendim politik. Ishte një vendim që ne e morrëm për shkak të korrupsionit që gjetëm. Unë do t’u bëja thirrje institucioneve në Shqipëri ta shqyrtojnë këtë. Por dua të them, se ne ende kemi partnerë të mirë në Partinë Demokratike, ne duam që Partia Demokratike të jetë një kontribues i fortë dhe i rëndësishëm i stabilitetit politik në Shqipëri. Unë do t’u bëja thirrje mbështetësve të Partisë Demokratike të mendojnë për imazhin që përcjellin, nëse do të kishin në krye njerëz, që janë përcaktuar nga Sekretari i Shtetit për korrupsion./ CNA.al