web counter
LEXO PA REKLAMA!

SHKARKO APP

App Store
Google Play

‘Deputetët e Lulushit i mbajnë ison Ramës’/ Blushi i Metës, në sulm ndaj grupit të Alibeajt

25 Tetor 2022, 22:10, Politikë CNA
‘Deputetët e Lulushit i mbajnë ison Ramës’/ Blushi i
Sekretari i Përgjithshëm i Partisë së Lirisë, Tedi Blushi

Teksa në vend po diskutohet për hapjen e dosjeve për bashkëpunëtorët e ish-sigurimit të shtetit, kryetari i Partisë së Lirisë, Ilir Meta, ka hedhur në sulm Tedi Blushin.

Sekretari i Përgjithshëm i Partisë së Lirisë, ka sulmuar grupin e Enkelejd Alibeajt, të cilët votuan pro hapjes së dosjeve.

Ai deklaron se deputetët e Lulzim Bashës që i mbajnë ison Edi Ramës janë edhe më të pashpresë, pasi sipas tij ata që sillen si kërpëratë do të shuhen si kërpërata nga politika.

“Të gjithë ata që përpiqen të lidhin emrin e Ilir Metës me çështjen e dosjeve janë vetëm të korruptuar nga Edi Rama, piktori i Sigurimit të Shtetit, djali i atij që vari poetin e lirisë, Havzi Nela dhe nipi i Kolekës.

Tmerri që i ka kapur nga Partia e Lirisë është shumë i drejtë sepse ata e kanë të qartë fundin e tyre dhe ndëshkimin që i pret.

Përpjekjet për të spostuar vëmendjen nga inceneratorët dhe korrupsioni madhor i Edi Ramës, me falsifikime dhe manipulime janë të pashpresa.

Ilir Meta ka qenë jo vetëm një drejtues i Lëvizjes Studentore, që solli pluralizmin politik në Dhjetor '90, por është edhe garancia kryesore për rivendosjen e pluralizmit politik dhe shporrjen e bandës së Rilindjes nga pushteti.

Deputetët e Lulushit që i mbajnë ison Ramës janë edhe më të pashpresë pasi ata që sillen si kërpëratë do të shuhen si kërpërata nga politika.

Procesi gjyqësor me Autoritetin e Manipulimit të Dosjeve do të shkojë deri në fund!” shkruan ‘Blushi i Metës’ në rrjetet sociale./ B.A. – CNA.al





Lajmet e fundit nga