E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Nisin përplasjet për kandidaturat në zgjedhjet vendore/ Asllan Dogjani: Kam më shumë mbështetje se Xhelal Mziu në Kamzë

25 Tetor 2022, 14:43, Politikë CNA

Nisin përplasjet për kandidaturat në zgjedhjet vendore/ Asllan

Zgjedhjet vendore kanë ndezur orekset brenda partive politike.

Kështu po ndodh në PD, ndonëse e përçarë dhe në negociata për bashkim.

Ish-deputeti i PD-së, Asllan Dogjani, është shpallur kandidat për kryetar të Bashkisë Kamëz.

Ndërkohë që po të njëjtën bashki duket se e lakmon edhe Xhelal Mziu.

Në “MCN live” Dogjani, tha se primaret janë proces që për herë të parë i japin vlerë anëtarëve dhe simpatizantëve të PD-së të cilët mund të konkurrojnë për të parin e bashkisë.

“Ajo që më ka shtyer të kandidoj është fakti se vet qytetarët e Kamzës, anëtarët dhe simpatizantët dhe strukturat tjera të partisë, ata më kanë nxitur vet të kandidoj, sepse vjet në lista kam qenë i fundit, dhe kam marrë rreth 6 mijë voata ata votuan për mua, dhe unë tashmë do tua kthej përmes përkushtimin tim si kandidat dhe doa tua kthej këtë vlerism më punë.

PD në Kamzë është e bashkuar, nuk ka fraksione, nuk ka grupe të ndara, janë të baghskuar të gjithë, dhe në udhëëizmin e primareve që kanë nxjerr, mund të hysh të kandidosh, muhd të propozojnë, të vetpropozohen, dhe pastaj ato cohen për votim bazës.

Duke qenë i prirur të besoj në një proces transparent dhe demokratik ju siguroj se ne raste se do zgjidhem prej jush si kandidat për kryetar Bashkie ne do të marrim votat maksimale”, është shprehur Dogjani.

Ky i fundit ka sfiduar ish kryebashkiakun e Kamzës Xhelal Mziu.

“Unë gëzoj më shumë mbështetje se Xhelal Mziu, sepse unë kontaktoj me banorët, por në fund janë anëtarët dhe simpatizantët e PD që do ta tregojnë më votë se kush ka mbështetjen më të madhe aty.

Gara është e lirë dhe zakonisht aty dalin jo më pak se 20 veta sepse ka potencial në Kamzë, por 2-3 kandidatura do ti çohen qendrës për votim. Unë nisem nga mbështetja popullore që kam sepse vjet pa qenë i deleguar në Kamzë, kam marrë aty rreth 3 mijë vota, pus disa që më kanë vjedhur në Paskuqan, pra unë nisem dhe bazohem te realiteti dhe mbështetja që kam marrë.

Me një fjalë mua nuk më intereson kandidati, më interesojnë problemet dhe hallet e banorëve, shqetësimet e tyre”, është shprehur ai./CNA.al