web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet vendore dhe primaret/ Shehu: Grupi i Alibeajt gabon rëndë nëse del me kandidat më vete

24 Tetor 2022, 17:44, Politikë CNA
Zgjedhjet vendore dhe primaret/ Shehu: Grupi i Alibeajt gabon rëndë
Deputeti demokrat, Tritan Shehu

Deputeti demokrat, Tritan Shehu ka folur për zgjedhjet vendore dhe primaret, duke thënë se sipas tij kandidtatë duhet të jenë politik.

Në një prononcim për “Studio Live” Shehu tha se, po hyjnë në zgjedhje me synimin për të fituar të gjitha bashkitë.

“Kandidatët duhet të kenë nuancë politike, por zgjedhja përfundimtare do jetë nga primaret. Synojmë fitoren në të gjitha bashki, ka karakteristika të veçanta, beteja do bëhet për të marrë të gjitha bashkitë, pastaj kur të dalë rezultati, do shikojmë, jam optimist, i kemi të gjitha kushtet, organizimi po bëhet, mos u vononi, mos humbni kohë, ndiqni interesat politike”, tha Shehu.

Ndër të tjera, Shehu theksoi se kandidatët do t’i përcaktojnë primaret, ndërsa shotn se nëse pala tjetër, e grupit të Enkelejd Alibejat do të dilnin me kandidat më vete do të ishte një gabim shumë i rëndë.

“Kandidatët e PD do i nxjerrin primaret, të gjithë kanë të drejtë që të marrin pjesë në primare. Nëse dikush do të dalë të kandidojë më vete , është i lirë, por gabon rëndë.

Gjithashtu deputeti ka komentuar edhe negociatat mes Gazment Bardhit dhe Edi Palokës, duke thënë se ngërç nuk është tek baza por tek grupi parlamentar.

Ndërkaq nënvizon se nuk është i interesuar për negociatat, pasi sipas tij problemei është i qartë: kush do të kandidojë do të futet në primare.

“Duhet të jemi bashkë në zgjedhje dhe fushatë protestash. Ka një ndarje në grupin parlamentar dhe jo në bazë dhe kjo nuk është gjë e mirë, por kjo duhet tejkaluar që çdo deputetë të marrë pozicionet. Ato që janë në një pozicion ambig dhe i çuditshëm, deputeti duhet të ndjekë elektoratin e tij. Ka ardhur momenti që të marrin pozicionet e tyre politike, të dialogojnë, të gjykojnë dhe të marrin vendime politike dhe të shkojmë në zgjedhje, do futemi në një cikël protestash të forta, vjen një palë apo jo. (...) Nuk jam interesuar për negociatat, më intereson më shumë baza dhe u them kolegëve që nuk është fjala më për të zgjatur diskutimet, problemi është i qartë kush do të kandidojë të futet në primare”, është shprehur Shehu./ CNA.al





Lajmet e fundit nga