web counter
LEXO PA REKLAMA!

SHKARKO APP

App Store
Google Play

Samiti i BE-së, në Tiranë/ Berisha: Mundësi që ndërkombëtarët të njihen me situatën e Shqipërisë

24 Tetor 2022, 16:37, Politikë CNA

Samiti i BE-së, në Tiranë/ Berisha: Mundësi që

Kryetari i Partisë Demokratike, Sali Berisha ka përshëndetur vendimin për mbajtjen e samitit të përbashkët të vendeve anëtare të BE-së me 6 vendet e Ballkanit Perëndimor, në Tiranë.

Me anë të një deklarate për mediat, Berisha thotë se ky vendim është një afirmim i ri i BE-së ndaj perspektivës europiane dhe provon rëndësinë e Procesit të Berlinit.

Sipas tij, samiti do të jetë një mundësi reale që shtetarët e BE-së të njohin nga afër situatën e korrupsionit galopant, lidhjeve të qeveritarëve me krimin e organizuar dhe drogën dhe gjendjen e mediave në Shqipëri.

“PD përshëndet mbajtjen e Samitit të BE në Tiranë.

Partia Demokratike e Shqipërisë përshëndet vendimin e Presidentit të Bashkimit Europian për mbajtjen në Tiranë të Samitit të përbashkët të vendeve anëtare të BE-së me 6 vendet e Ballkanit Perëndimor në fillim të dhjetorit që vjen.

Ky vendim është një afirmim i ri i Bashkimit Europian ndaj perspektivës europiane të Shqipërisë dhe të gjitha vendeve të tjera të rajonit. Vendimi gjithashtu provon rëndësinë e madhe të Procesit të Berlinit për Shqipërinë e rajonin, dhe shënon fundin e aleancës përçarëse trilaterale Beograd-Tiranë- Shkup, në kuadrin e projektit serbo-rus të Ballkanit të Hapur.

Samiti do të jetë një mundësi reale për shtetarët e BE-së, për të njohur nga afër situatën dramatike të korrupsionit galopant, lidhjeve të tmerrshme të qeveritarëve me krimin e organizuar dhe drogën, gjendjen tejet të rëndë të mediave në Shqipëri”, thekson lideri i demokratëve./ B.A. – CNA.al





Lajmet e fundit nga