E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Zgjedhjet vendore/ PS hedh patronazhistët në “sulm”

24 Tetor 2022, 12:35, Politikë CNA

Partia Socialiste është në fazën e riorganizimit pas detyrave të lëna në kongres, për zgjedhjen e kryetarëve dhe nënkryetarëve.

Kështu ka deklaruar deputeti socialist, Etjen Xhafaj, në "MCN Live", i cili ka konfimuar se PS është në fazat e riorganizimit të çdo bashkie në riorganizimin e strukturave.

Sipas tij, kandidaturat për kryetarë bashkie, nuk janë ato që vetëshpallen, por do shqyrtohen CV-të e tyre, roli, kontributi i kandidatëve dhe më pas do shpallen në përfundim të mbledhjes së kryesisë.

I pyetur lidhur me trajnimin e 61 sekretarëve të Partisë Socialiste se çfarë ka spikatur, Xhafaj deklaroi se me ndryshimet e propozuara nga Kryesia, qoftë sa u takon sekretariateve dhe njësive, është shtuar struktura e kancelarit dhe sekretarit organizativ.

Ai deklaroi se ky post ka të bëjë me mbajtjen e rekordeve si njerëzore dhe nga ana e komunikimit dhe nevojën për t'u organizuar me grupet në terren, me çdo hallkë që është bllokuar nga Partia Socialiste, të jenë në komunikim konstant për problematikat kryesore.

“Ne zhvilluam të hënën e shkuar trajnim me sekretarët e përzgjedhur si mbi rolin e tyre, për të siguruar që qendra të ketë komunikim konstant në të 12 qarqet, për gjërat primare, në vendimmarrje dhe në strukturat e PS-së dhe deri te mjetet që duhen përdorur që komunikimi të jetë sa më i gjerë.

Patronazhistët nuk janë strukturë vetëm e PS-së. Patronazhimi nuk është fjalë e shpikur në Shqipëri, funksionon si nga e majta dhe e djathta. Mbledh një grup njerëzish dhe i kujton për të votuar ditën e votimit.

Mbledhja e informacionit ndodh në mënyrë të vazhdueshme. Ka nevojë për organizim të PS-së që duhet të fillojë nga maja e piramidës dhe të zbresë në mënyrë kapilare për të gjithë ata që duan të mbështesin në zgjedhjet e ardhshme. Janë kontaktet tona të komunitetit, por për të kujtuar ditën e zgjedhjeve dhe pa bërë shantazh”, është shprehur ai./CNA.al