web counter
LEXO PA REKLAMA!

SHKARKO APP

App Store
Google Play

Anëtarësimi në BE/ Ambasadorja Hohmann: Shqipëria të ridyfishojë përpjekjet

24 Tetor 2022, 12:23, Politikë CNA

Anëtarësimi në BE/ Ambasadorja Hohmann: Shqipëria të

“Procesi i anëtarësimit në BE është shumë më shumë sesa procesi teknik, është një proces që duhet të përfshihet e gjithë shoqëria. Të gjithë duhet ta kuptojnë se çfarë po ndodh. Duhet parë se çfarë duhet bërë më tepër me reformat dhe prandaj raporti vjetor për Shqipërinë është i rëndësishëm. Të gjithë mund të shikojnë se çfarë ka ndodhur”.

Kështu është shprehur ambsadaorja e BE-së, në Tiranë, Christiane Hohman, në ceremoninë e hapjes së edicionit të 7-të të Shkollës së Integrimit Europian.

Hohmann është ndaluar te një nga kritikat e ngrituara në raport-progresin 2022, që ka të bëjë me lirinë e fjalës.

 “Ka dhe fusha ku ka pasur pak ecuri ose aspak, që është liria e fjalës. Pritet mbrojtje më e mirë e gazetarëve, të fuqizohet pavarësia e transmetuesit publik, si dhe qëndrueshmëria financiare në sektor. Nuk ka hapësirë këtu për interpretim pasi hapësirat janë bërë të qarta. Por në këtë fazë që ne jemi BE-ja pret që Shqipëria të ridyfishojë përpjekjet e veta për të trajtuar këto reforma kyçe, por edhe që të sjellë në tryezë të gjithë aktorët e rëndësishëm, edhe nga shoqëria civile. Nga ky këndvështrim, Shkolla e Integrimit Europian është për të rritur ndërgjegjësimin”, deklaroi ambasadorja e BE-së./CNA.al 





Lajmet e fundit nga