web counter
LEXO PA REKLAMA!

SHKARKO APP

App Store
Google Play

“PD-ja është vetëm një”/ Berisha ‘shigjeton’ grupin e përçarësve: Kush s’pranon statutin, mashë e Ramës

24 Tetor 2022, 20:52, Politikë CNA
“PD-ja është vetëm një”/ Berisha
Kryetari i Partisë Demokratike, Sali Berisha

Për kryetarin e Partisë Demokratike, Sali Berisha, opozita ka fituar plotësisht besimin e qytetarëve.

Këtë deklaratë Berisha e bëri në emisionin “Pa censurë” teksa u pyet për Partinë Demokratike, e cila vazhdon të jetë e ndarë në dy grupe.

Sipas tij, PD është vetëm një, të tjerët janë ‘një freskore e regjimit’ të kryeministrit Edi Rama.

“Opozita është një opozitë e besuar plotësisht nga qytetarët dhe opozita bëri denoncime të vërteta. Pra, nuk është më një freskore e regjimit, por janë forca të vendosura ta mposhtin .

Nuk është e vërtetë që nuk janë shumica, por janë një pjesë që për arsye të tyre, mbajnë qëndrime të tjera. Shumica janë në PD, në PD-në që drejtoj unë, PD tjetër nuk ka”, u shpreh ai.

I ndalur tek mungesa e vulës dhe statuti i PD-së, Berisha deklaroi se Qeveria, e mbështetur nga ambasadorja amerikane, Yuri Kim, po kërkojnë të rrëmbejnë logon e PD-së.

Duke iu referuar grupit të përçarësve të Enkelejd Alibeajt, ai tha se kushdo që nuk pranon statutin e PD-së, po bëhet mashë e Ramës.

“Këtu nuk ka palë tjetër, këtu ka qeveri dhe mbrojtësja e ligjit. Është qeveria që kërkon të rrëmbejë logon, e ndihmuar nga guvernatorja.

Ata që vazhdojnë të bëjnë atë lojë, bëhen mashë e Edi Ramës.

U faktuan zgjedhjet, u faktuan me të gjitha pollet se cila është mbështetja e tyre, u faktua në sondimet dixhitale. Këto janë realitetet.

Ata janë anëtarë të PD-së, statute ka përcaktimet e veta. Ata janë anëtarë të PD-së. Nëse dëshirojnë të bashkohen, ata kanë vendin aty. Sali Berisha është i detyruar të zbatojë çdo nen të statutit. Ata nuk e njohin këtë Kuvend se nuk e njeh Edi Rama, ata nuk e njohin këtë statut se nuk e njeh Edi Rama”, theksoi ai./ B.A. – CNA.al





Lajmet e fundit nga