web counter
LEXO PA REKLAMA!

SHKARKO APP

App Store
Google Play

E fundit!

x

Deputetja e grupit përçarës, kundër bisedimeve me PD-në zyrtare?/ Pse reagon me arrogancë Jorida Tabaku

25 Tetor 2022, 11:37, Politikë CNA

Deputetja e grupit përçarës, kundër bisedimeve me

Deputetja e Partisë Demokratike, pjesë e grupit të përçarësve, Jorida Tabaku, vijon të shprehet kundër aministisë fiskale.

Sipas saj, ngutja e qeverisë për të miratuar paketën e re fiskale dhe amnistinë është e pakuptimtë.

“Unë kam 3 vite që flas kundër amnistisë fiskale dhe është një temë që do ta flas edhe sot me studentët, mendoj që Shqipëria e 2022-shit nuk meriton të diskutojë ligj për të falur korrupsionin dhe krimin e organizuar. Është e pabarabartë përballë ligjit, është jo e drejtë, arrogante dhe qytetarët e Korçës që paguajnë taksa me një normë 90%  nuk e meritojnë këtë trajtim nga qeveria. As unë nuk e kuptoj, sot Shqipëria ka nevoja të tjera, ka nevojë për një vizion ekonomik që të dalë nga kriza, që qeveria shqiptare të ofrojë atë që nuk e ofroi gjatë pandemisë. Është e vërtetë që kemi një prekje të ekonomisë nga kriza botërore, por pjesa më e madhe e prekjes është nga kriza shqiptare”, ka thënë Tabaku nga Korça.

Tabaku është pyetur edhe në lidhje me protestat dhe bisedimet me PD-në zyrtare.

“Unë besoj që ka ardhur dita të flasim me të rinj, t’ua lëmë fjalën të rinjve, ka mënyra të ndryshme si bëhet opozita me fjalë, argumente, protestë. Unë besoj se e kam treguar që di ta bëj, s’ka rëndësi ku e bëj në sallë apo në rrugë”, është shprehur Tabaku.

Ndërsa pyetjes se a ka tym të bardhë nga negociatorët, Tabaku është mjaftuar duke u përgjigjur “pyet negociatorët”./CNA.al





Lajmet e fundit nga