web counter
LEXO PA REKLAMA!

SHKARKO APP

App Store
Google Play

“Nuk kam besim që mund të ketë arritje nga bisedimet Bardhi-Paloka”/ Baçi: Më kujton 17 majin

25 Tetor 2022, 09:42, Politikë CNA

“Nuk kam besim që mund të ketë arritje nga bisedimet

Deputeti i PD-së, Luan Baçi, ka deklaruar se ai nuk ka besim te bisedimet dypalëshe mes Palokës dhe Bardhit.

Por nga ana tjetër ai ka siguruar se te PD-ja ka vullnet të deputetëve për të dalë me një kandidaturë të vetme në zgjedhjet lokale.

Në studion e emisionit “Të Paekspozuarit”, ai tha se Partia Demokratike është një e vetme sidomos pas Kuvendit të 11 dhjetorit.

“Personalisht nuk kam besim që mund të ketë farë arritjeje me këto bisedime dyshe, mes Bardhit dhe Palokës, e them këtë dhe nga përvoja që sa herë ka pasur bisedime dypalëshe nuk ka pasur rezultate, ose rezultate të mira. Kjo më lë shije të hidhur dhe më kujton 17 majin mes Bashës dhe Ramës. Te PD-ja ka një vullnet të shumë deputetëve për të dalë bashkë dhe për të dalë me një kandidaturë të vetme dhe hapa konkretë.

Bashkimi ynë në zgjedhjet lokale, dalja me një kandidat të vetëm për të mos ndodhur ajo që ndodhi në 6 mars që ishte turp për PD-në që kishte një dëm dhe ka përgjegjës Lulzim Bashën. Nuk flas për bashkim për t'u dhënë disa kandidatë, por flas për të dalë me një kandidat”, është shprehur Baçi./CNA.al

 

 





Lajmet e fundit nga