E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

Gazment Bardhi gënjen publikisht/ Shantazh biznesit

24 Tetor 2022, 22:12, Politikë CNA

Gazment Bardhi gënjen publikisht/ Shantazh biznesit

Deputeti Gazment Bardhi

Deputeti Gazment Bardhi ka gënjyer publikisht mbrëmjen e sotme për aeroportin ndërkombëtar të Tiranës “Nënë Tereza”.

Bardhi krahasoi në emisionin “Now” me Erla Mëhillin koncesionin e portit të Durrësit me aeroportin e Tiranës.

Bardhi hodhi akuza se “Kastrati Group” ka marrë praktikisht pa garë një koncesion të ri, por kjo është totalisht e pavërtetë.

Gazment Bardhi duhet të mësojë se në Durrës po jepet tokë publike për investim privat 2 miliardë dollarë.

Aeroporti “Nënë Tereza” është dhënë me koncesion nga qeveria e Fatos Nanos dhe më pas gjermanët e shitën te kinezët dhe më pas u ble nga “Kastrati Group”.

Pra, s’ka koncesion të marrë në aeroport, por blerje koncesioni nga kompani e huaj.

Gazment Bardhi ndoshta donte ende kinezët dhe biletat e avionëve 2 apo 3-fish më shtrenjtë.

Megjithëse do duhej të gjente ndonjë krahasim tjetër.

Rinasi është një koncesion i blerë ku ka një investim dhjetëra miliona euro dhe ulje çmimesh për biletat dhe shërbim disa herë më të mirë sesa ai që ofrohej nga kinezët që do Gazment Bardhi.

Mos duket si gjobë dhe ky qëndrim i Gazment Bardhit?

Pjesë nga deklarata e Bardhit:

PD e Berishës ka dy standarde, flet për portin e Durrësit e s’flet për aeroportin. Aeroportin…, ke dëgjuar ndonjëherë t’i zotin Berisha të të flasë për mënyrën sesi është dhënë koncesioni i aeroportit “Nënë Tereza”. Por unë nuk mund të flas për portin dhe të them që është projekt korruptiv dhe është pa garë. Mirë, ashtu është, por unë nuk mund të hesht dhe të them unë nuk e shikoj që në aeroport nuk po bëhet e njejta gjë.

Një kompani e caktuar pa garë praktikisht ka marrë një koncesion të ri dhe këtë duhet ta themi që të jemi të vërtetë për qytetarët shqiptarë nëse duam që ata realisht të na besojmë. Nëse ne mendojmë se mund t’i bëjmë shqiptarët për budallenj që të mendojnë se ne luftojmë korrupsionin e Edi Ramës dhe jemi selektikë një rast e përmendim, një rast nuk e përmendim, kjo na bën të pabesueshëm.

Shefqet Kastratin ta përmend unë, dhe jo atë po kë të duash ti, s’kam unë asnjë problem të përdor kur abuzohet me pasurinë publike dhe siç po abuzohet për pasurinë publike në portin e Durrësit, është abuzuar me pasurinë publike edhe në aeroportin “Nënë Tereza”./ B.A. – CNA.al