E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Përçarësit, "në prehër" të socialistëve/ "Territorialja", PD i lë sërish derën hapur

25 Tetor 2022, 14:44, Politikë CNA

Përçarësit, "në prehër" të

Deputeti i Partisë Demokratike, Oerd Bylykbashi, ka dorëzuar sot projektligjin për reformën territoriale.

Ndërkohë që PD-ja zyrtare ka paraqitur sot projektligjin përfundimtar për ndarjen territoriale, grupi përçarës i PD-së, i drejtuar nga Alibeaj vijon negociimet me socialistët.

I pyetur lidhur me këtë Bylykbashi shprehu se është shumë e thjeshtë që në procesin legjislativ të gjendet një version përfundimtar.

“Unë besoj që është shumë e thjeshtë që në procesin legjislativ të gjejmë një version përfundimtar. Më e rëndësishmja është të jenë komunitetet që e ndjejnë veten të përfillura”, tha Bylykbashi.

Deklarata e plotë:

“Reforma e 2014 ka provuar se është dështim lapidar me kosto të madhe për zhvillimin e bashkive dhe komuniteteve, faktor i shpopullimit. Jemi përpjekur të marrim interesat më të mira. Të zgjedhurit të jenë pranë zgjedhësve, pushteti vendor të jetë efikas. Propozimi është që zgjedhjet e ardhshme të bëhen në bazën e kësaj ndarje me 97 bashki. Numri i bashkive që propozojmë është ai që i jep hapësirën më të madhe komuniteteve lokale. S’ka rëndësi çfarë mendon qeveria, por çfarë duan njerëzit atje poshtë. Reforma e vitit 2014 ka provuar në të gjithë aspektet e saj që të jetë një dështim lapidar me kosto të madhe. Njerëzit janë larguar se nuk ka më shërbime. Propozimi ynë do të ndjekë rrugën legjislative, kërkon 84 vota. Në këtë moment propozojmë 97 bashki dhe kushdo që nuk e mbështet këtë ndarje në parlament, nuk ka interesat e qytetarëve.

Është një tjetër draft me 94 bashki, mundësia për të gjetur gjuhën e përbashkët është aty sepse parimet dhe kriteret që kemi përdorur në aspektin e ekspertizës dhe konsultës kanë provuar të njëjtin rezultat. Unë besoj që është shumë e thjeshtë që në procesin legjislativ të gjejmë një version përfundimtar. Më e rëndësishmja është të jenë komunitetet që e ndjejnë veten të përfillura”, tha Bylykbashi./CNA.al