web counter
LEXO PA REKLAMA!

SHKARKO APP

App Store
Google Play

E fundit!

x

Jorida e “grupit të përçarësve” paralajmëron Ibrahimajn/ Buxheti i shtetit do të përfundojë në Kushtetuese

26 Tetor 2022, 11:45, Aktualitet CNA
Jorida e “grupit të përçarësve”
Deputetja Jorida Tabaku

Deputetja Jorida Tabaku është shprehur se buxheti i shtetit për vitin 2023 do të përfundojë në Gjykatën Kushtetuese.

Kjo vjen pas përplasjeve që ndodhën me ministren Delina Ibrahimaj në Komisionin e Ekonomisë.

Sipas Tabakut nuk mund të prezantohet projektbuxheti pa ligjet fiskale. Nga ana tjetër, PS këmbëngul se sot është vetëm prezantimi i projekt buxhetit, ndërsa nesër do prezantohet paketa fiskale.

“Mbledhje antikushtetuese. Ministrja prezantoi projektbuxhetin pa prezantuar ligjet fiskale se sa dhe si do jenë taksat e shqiptarëve gjatë vitit të ardhshëm. Në një vit kur të gjithë duhet të diskutojmë se ca mund të bëjmë më mirë, qeveria ka një arrogancë, shkel ligjin dhe nuk sjell në parlament ligjet fiskale.

Deputetët nuk mund të jenë noterë që dëgjojnë deklarata për shtyp të një ministreje, parlamenti nuk mund të trajtohet si noter dhe nuk mund të shpërfillet puna e deputetëve duke i rreshtuar dhe të dëgjojnë çfarë ka për të thënë ministrja.

Ne emër të PD-së do e çojmë buxhetin në Gjykatë Kushtetuese nëse kjo mbledhje nuk përsëritet”, tha Tabaku./ CNA.al





Lajmet e fundit nga