E fundit!

12:01 Aktualitet

“Jam një i vdekur që ecën”/ Zbardhet dëshmia e Pëllumb Gjokës në GJKKO për dosjen “Metamorfoza”

Këtë të enjte ka dëshmuar në Gjykatën e Posaçme një nga sh...

Makina e djegur në Bilisht/ I ati i pronarit të mjetit akuzon Deizi Arapin: Punojmë me djersë s'jemi si ato! Ku i gjejnë lekët?

10 Tetor 2022, 10:32, Aktualitet CNA

Deizi Arapi akuzohet si e dyshuar për për djegien e makinës së Marsel Buçit, mbrëmjen e kaluar në Bilisht. I ati i pronarit të makinës, Urim Buçi, në një prononcim për media u shpreh se ngjarja është e qëllimshme dhe se dyshon te Deizi Arapi. Ai tha se nga shteti kërkon drejtësi për ngjarjen teksa u shpreh se makinën e kanë blerë me djersën e ballit.

‘Në dy të natës u dëgjua një zhurmë dhe gruaja më tha ngrihu se i kanë vënë zjarrin makinë së djalit. U zgjuam dhe pamë që makina kishte marrë flakë e gjitha. Lajmërova policinë dhe erdhën në vendngjarje na morën në pyetje, ku dyshoni etj. Unë dyshimin e kam para një muaj, akuzoi djalin që ishte i futur nga dikush. Pas verifikimeve doli që im bir nuk kishte lidhje me ngjarjen. Pas dy ditësh, i del prapë përpara me makinë djalit dhe filloi ta ofendojë. Qëndroi djali dhe i tha: Si e ke punën moj çupë e mbarë? S’vajti dy minuta, mori policinë në telefon dhe u tha filani me shau. Filloi sërish të sajonte gjëra, mori në telefon shefi komisariatit dhe i tha mos u merr me të. Mua më duket se kjo është ngjarje e qëllimshme. Unë kërkoj drejtësi nga shteti.

Unë dyshoj te ajo vajza që ia dogjën makinën brenda një muaji. Tek ajo i kam dyshimet. Normale nuk e di nga janë fryrë këto, nëse do kishte djali im dorë do i kisha folur. Unë punoj me djersë, kam punuar për atë makinë, ato i ndërrojnë brenda muajit. Unë s’jam si ato, ku i gjejnë lekët, 6 mln pa punuar asnjeri? Kaq kisha. Nga shteti dua drejtësi!’-tha Urim Buçi./CNA.al