web counter
LEXO PA REKLAMA!

SHKARKO APP

App Store
Google Play

E fundit!

x

15 mijë euro për çdo "kokë emigranti"/ Shkatërrohet banda e trafikantëve shqiptarë në Britani

9 Tetor 2022, 16:35, Aktualitet CNA

15 mijë euro për çdo "kokë emigranti"/

Prej kohësh fenomeni i emigrimit të shqiptarëve drejt Britanisë, ka qenë mjaft i përhapur, por së fundmi kjo problematikë ka vënë në alarm autoritetet, të cilët kanë shkatërruar një bandë shqiptarësh, që dërgonte në mënyrë ilegale njerëz nga kufiri i Spanjës.

Sipas informacioneve, dyshohet se emigrantët paguajnë nga 3000 deri në 15.000 euro për të kaluar nga njëri shtet në tjetrin.

Gjatë kësaj jave autoritetet britanike kanë arrestuar shtatë persona, ndërkohë që zyrtarët e Agjencisë Kombëtare për Krime, me bazë në Spanjë dhe Mbretëri të Bashkuar, kanë bashkëpunuar me autoritetet spanjolle për këtë rast.

Njerëzit janë marrë kryesisht nga 2 qytetet spanjolle, Bilbao dhe Santander, ku përmes barkave dhe mjeteve të tjera janë transportuar drejt qyteteve Portsmuth, Sauthempton dhe Liverpul.

Deri tani autoritetet britanike kanë identifikuar 50 njerëz të cilët kanë shkelur tokën britanike me ndihmën e kësaj bande. REL raporton se Agjencia Kombëtare për Krime ka thënë se shifra e saktë nuk dihet ende.

Sipas saj, migrantët kanë shkuar nga Shqipëria në Spanjë, mirëpo disa janë rekrutuar edhe në kampet afër porteve spanjolle. Kontrabanduesit u kanë ofruar atyre akomodim dhe ushqim derisa janë nisur për në Mbretëri të Bashkuar.

Shumica e pjesëtarëve të bandës besohet se kanë jetuar në Shqipëri, mirëpo janë arrestuar në Spanjë dhe aty do të gjykohen sipas ligjeve spanjolle. Përgjatë bastisjeve, hetuesit kanë konfiskuar telefona, kompjuterë, kartela bankare, para të gatshme, dokumente identifikimi dhe pasaporta të kombësive të ndryshme.

Autoritete brotanike raportojnë se këtë vit ka pasur një rekord të emigrimit të jashtëligjshëm, të cilët kanë arritur të kalojnë Kanalin Anglez me barka të vogla për të hyrë në Mbretëri të Bashkuar – më shumë se 33.500./CNA.al





Lajmet e fundit nga