web counter
LEXO PA REKLAMA!

SHKARKO APP

App Store
Google Play

E fundit!

x

Të rinjtë, përdorues e shitës të drogërave/ Artan Hoxha, thirrje për ndërhyrje urgjente

8 Tetor 2022, 23:12, Aktualitet CNA
Të rinjtë, përdorues e shitës të drogërave/ Artan
Gazetari Artan Hoxha

Gazetari Artan Hoxha ka bërë thirrje për një ndërhyrje urgjente, teksa ka folur për të rinjtë që janë përdorues dhe shpërndarës të lëndëve narkotike.

Hoxha tha në emisionin “Vetting” se nuk mjaftojnë vetëm orët sensibilizuese nëpër shkolla.

Ai theksoi se sa nuk është vonë duhet të marrim frenat e situatës dhe minimalisht të fillojmë të kurojmë një sëmundje, e cila sipas tij po merr përmasat e tumorit.

“Më është dashur që ta shoh me sytë e mi anekënd globit shqiptar dhe për të kuptuar që ne nuk mund të përballemi me policë që mund të paguajmë 500 dollarë në muaj me trafikantë të këtij niveli që bëjnë karshillëk qyteteve tona, resorteve tona, që kanë makinat më të bukura, që kanë lokalet me të bukura luksoze, që kanë vilat më të bukura. Pa diskutim ekspozimi i jetës së tyre është marketingu më i mirë për botën e krimit, pra në një situatë të tillë ne duhet që në mënyrë emergjente, në mënyrë urgjente, të ndryshojmë qasjen ndaj kësaj situate.

Duhet sa nuk është vonë një minutë e një orë më parë të marrim frenat e situatës dhe minimalisht të fillojmë të kurojmë një sëmundje, e cila po merr përmasat e tumorit, që të mos përfundojë në një tumor sëmundje e pashërueshme, ne do të reagojmë ende sa kemi kohë dhe duhet bërë sa më parë. Nuk bëhet me propagandë, nuk bëhet me ato reagimet shabllone nëpër shkolla që persona nga jeta publike shkojnë e u flasin atyre dhe sapo të dalin nga dera e shkollës fëmijët hyjnë të gjithë nëpër rrjetet sociale e shikojnë videot, klipet e njerëzve që vijnë nga bota e krimit apo që financojnë nga bota e krimit. Nuk mund të bëjmë një orë leksion të cilitdo personazh publik në një ambient shkolle të zëvendësojë 23 orët e tjera, të cilat ata kanë marrë informacion në mënyrë të vazhdueshme, të padiskutueshme dhe këtë herë janë bombarduar nga marketingu që lëshon bota e krimit”, theksoi gazetari./ B.A. – CNA.al





Lajmet e fundit nga