web counter
LEXO PA REKLAMA!

SHKARKO APP

App Store
Google Play

E fundit!

x

20-vjeçari trondit me rrëfimin/ Kam ëndërr të hap një shtëpi bari në Angli

8 Tetor 2022, 22:54, Aktualitet CNA
20-vjeçari trondit me rrëfimin/ Kam ëndërr të hap
Foto nga intervista

Një 20-vjeçar ka tronditur me rrëfimin e tij, si përdorues dhe shpërndarës i lëndëve narkotike.

Ai ka rrëfyer për emisionin “Vetting” se këtë punë e ka nisur që në moshën 14-vjeçare.

“Unë kam lindur në vitin 2002 dhe jam 20 vjeç. Të gjitha kanë ardhur avash-avash, ka 5-6 vite besoj ose më shumë, i bie nga mosha 14-15 vjeç. Si fillim pinim nga 2 cigare, pastaj duke u shtuar më shumë, nga 4-5. Sot me një qese që shitet 6 mijë lekë, 5 mijë lekë unë ia dorëzoj atij dhe 1 mijë lekë i mbaj për vete, varet pastaj në katër qese, e pesta është për mua, si pjesë e përfitimit. Për pjesën e sugjerimit shkon si zinxhir mua ma ka sugjeruar njëri unë ia sugjeroj dikujt tjetër edhe për ta shitur a kupton jo vetëm për ta pirë për qejf. Me çunat që rri dhe gjithë shoqërisë sime ia kam sugjeruar edhe të gjithë e kanë pëlqyer, s’ka dalë dikush për të thënë që jo unë nuk e pi. Kështu bëjnë në fillim, por pastaj i bën për vete”, shprehet i riu.

Gjithashtu, ai ka treguar edhe për raportin me familjen e tij, e cila duket se nuk di asgjë për punën që bën djali.

“Kam shkuar shumë herë në klasë me hashash edhe e kam pirë te cepi i shkollës. Ka pasur raste që na kanë kapur mësuesit, policia më rrallë, por mësuesit shumë herë. Na kanë thënë që mos e pini, por tani ne jemi në botën tonë. Raportin me familjen e kam normal, babi shkon në punë edhe mami, motra shkon në shkollë, ndërsa unë rri rrugëve. Marrëdhëniet i kemi të mira, familja nuk e di se unë bëj këtë gjë as nuk ka për ta marrë vesh ndonjëherë, mami më ka zënë bishta cigaresh, por i kemi sqaruar gjërat, ndërsa babi nuk e di sepse në rast se babi do e merrte vesh ne marrim fund, as punë as asgjë më mbyll në shtëpi”, tregon ai.

I pyetur se cila është ëndrra e tij për të ardhmen, 20-vjeçari thotë se është që të hapë një shtëpi bari në Angli.

“Asnjëherë s’kam për t'u penduar. Ne që kemi këtë punë një ëndërr kemi, me hap një vend tonin mos me u marrë kështu, por duke e shitur në sasi të mëdhaja, për të bërë lek të madh. Asnjëherë s’kam menduar për ndonjë ëndërr, vetëm për të bërë një shtëpi bari kam ëndërr edhe jo këtu se nuk ia vlen, por nga Anglia ku bëhet dhe leku i madh. Para se të vij këtu i kam pirë nja 2-3 teke hashash edhe sot që flasim mos të gënjej”, rrëfen ai./ B.A. – CNA.al





Lajmet e fundit nga