E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

Çmimi i energjisë dhe i naftës/ Berisha skanon “kuletën” e qytetarëve

8 Tetor 2022, 12:07, Aktualitet CNA

Çmimi i energjisë dhe i naftës/ Berisha skanon

Kreu i PD-së, Sali Berisha, nga Libohova është shprehur se pasuritë e mëdha të vendit janë kthyer në një mallkim për qytetarët.

Sipas tij, problemi themelor për shumicën dërrmuese është problemi ekonomik.

“Kur shqiptarët konsiderojnë problemin ekonomik, do të thotë familjes së tyre, para së gjithash. Ata kanë një problem serioz ekonomik, që u shton atyre varfërinë, peshën e jetesës, vjen për disa arsye.

Së pari sepse pasuritë e vendit nuk kthehen në mirësi për qytetarët. Pasuritë e mëdha të tij janë kthyer në një mallkim për qytetarin. Le të marrim energjinë, ju jeni dëshmitarë, me një politikë serioze, të inkurajimit të ndërtimit të HEC-eve të reja që filloi në vitin 2007, është arritur që falë këtyre hidrocentraleve, prodhimi i energjisë pothuajse të dyfishohet. Është arritur që Shqipëri të prodhojë 2 terravat energji elektrike më shumë se sa konsumon”, është shprehur Berisha.

Sipas tij biznesit i është rritur çmimi i energjisë dhe e gjitha kjo faturohet tek qytetarët-konsumatorë.

“Pikërisht në këtë kohë, biznesit i rritet energjia nga 71 lekë në 225 lekë. Në vend që t’i ulej. Çdo njeri do priste që t’i ulej.

Pikërisht në këtë kohë, furrave të bukës, që ia kishin lënë 71 lekë, nga janari i këtij viti ua ngre në 225 lekë. Këtë e paguajnë qytetarët, këtë çmim e paguajnë në gramaturën e bukës që blejnë.

Thashë këtë shembull. Çfarë ndodh me turizmin? Bëhet ‘mollë e ndaluar’ për shqiptarët. Duhet të shkojnë të pushojnë në një vend tjetër se sa të zbresin nga Tirana në Jug”, është shprehur Berisha.

Kreu i PD-së nuk ka lënë pa përmendur as rritjen e çmimit të naftës.

Ai ka akuzuar kryeministrin Edi Rma për taksën e lartë për karburantet.

“Vendi prodhon 1 mln ton naftë. Po çfarë përfitojnë shqiptarët? Shqiptarët përfitojnë çmimin më të lartë të naftës në Europë, 6-8 herë më të lartë se çdo vend tjetër i Europës. A nuk është kjo naftë mallkim për ne?

Sepse Rama vendos mbi naftën taksën më të lartë në botë. Atë taksë e vendos sa është çmimi i naftës në Uashington”, tha Berisha./CNA.al