Dëshmia e Indrit Beqirajt/ Si dështoi atentati dhe pse u tërhoqën nga ekzekutimi i 2 nipave të Geron Hasanbelliut

8 Tetor 2022, 11:36, Aktualitet CNA

Dëshmia e Indrit Beqirajt/ Si dështoi atentati dhe pse u

Detaje të reja kanë dalë në dritë nga rrëfimi i vëllezërve Beqiraj

Gazetari Arsen Rusta ka zbardhur dëshmin e Indrit Beqiraj në lidhje me planin për eliminimin e Geron Hasanbelliut.

Ai ka dëshmuar se shuma e premtuar për ekzekutimin e tij ishte 100 mijë euro. Siç ëshrtë raportuar edhe më herët vëllezërit Beqiraj sëbashku me 'killerin' e besuar të Kasandro Nogës dhe mikun e tyre Kevin Zeneli, kishin ndjekur lëvizjet e Geronit Hasanbelliu për 10 ditë rrjesht.

Indriti tha se nuk qëllonte të martën duke thënë se e kishte ters, ndërsa vrasjen planifikoi ta kryente të mërkurën, por Geron Hasanbelliu nuk shkoi më në lokalin që frekuentonte, raporton shqiptarja.com

“Ilirjan Feçi na premtoi 100 mijë euro për të ekzekutuar Geron Hasanbelliut. Ilirjani dhe Kevin Zeneli e kishin ndjekur 2-3 herë por nuk kishin mundur ta ekzekutonin. Më dhanë 2 mijë euro për një banesë me qira afër zonës ‘Don Bosko’ te lokali Fokus. Për 10 ditë, që prej orës 07:30 kemi ndjekur në distancë lëvizjet e tij. Ilirjani kërkonte me instistim që të kryenim vrasjen. Mësuam se Geroni vinte në lokal rreth orës 17:30.

I thashë të martën e kam ters, nuk e vras, do gjuaj të mërkurën. Geroni erdhi mëngjesin e të hënës, piu kafe dhe pasdite nuk erdhi më. Pasi diskutova me vëllain dhe me Kevin, dyshuam se na kishte tradhtuar Ilirjan Feçi. Pasi larguam Fecin se dyshonim se na shiti, Kevin Zeneli foli në aplikacionin Signal me ‘fratelon’ (nofkë që i kishin vënë Kasandër Nogës). Ai urdhëroi të vrisnim nipat e Geronit pasi ky i fundit s’vinte më në atë lokal. Për nipat do merrnim 50 mijë euro.

I lokalizuam në një dyqan Tabachino pranë zonës së Astirit, por kishte shumë njerëz dhe nuk qëllova. Kevin Zeneli na gënjente për vëzhgimin e 2 nipave të Geronit në kioskën e tyre ‘Astir’. Zeneli na thoshte s’ka policë pranë kioskës së nipave të Geronit, por ishte e kundërta. Kevin Zeneli na thoshte se nipat e Geronit ishin vetëm, por ata ishin me 4-5 shokë. Hoqa dorë nga vrasja pasi Kevin Zeneli më gënjente, kisha frikë se më shiste", rrëfeu Indrit Beqiraj./CNA.al