web counter
LEXO PA REKLAMA!

SHKARKO APP

App Store
Google Play

Zgjedhjet vendore/ Berisha: Kemi një udhë të vështirë drejt fitores

9 Tetor 2022, 10:30, Aktualitet CNA
Zgjedhjet vendore/ Berisha: Kemi një udhë të vështirë
Sali Berisha

Ish-kryeministri Sali Berisha gjatë një konference, ku u diskutua gjërësisht lidhur planin për rolin e gruas në fushatën e zgjedhjeve lokale, ka bërë thirrje që figurat e reja, vajzat dhe gratë e talentuara, t'u bashkohen listave. 

Berisha theksoi se qytetarët do t'i mirëpresin figurat e grave, mbase edhe më shumë sesa gjininë tjetër, duke inkurajuar kështu, përveç të tjerëve, çdo vajzë dhe grua të talentuar që të mos hezitojë të kandidojë. 

"Na pret një udhë shumë e vështirë drejt fitores. Ne kemi të gjithë kalkulimin, kemi gjithë programin për të ardhmen, për t'u dhënë përgjigjen më të shkëlqyer sfidave që na presin, kemi miqtë tanë, të cilët fatmirësisht po kthehen në pushtet, në të gjitha anët e Europës, në Suedi, Itali, Bullgari. E pamohueshme se shoqëritë janë ngopur dhe mërzitur me qeveritë e majta, të cilat kanë hipokrizinë dhe demagogjinë si anët e tyre kryesore përkundrejt nesh që kemi vlera dhe kemi qytetarin të parin.

Të frymëzuar edhe nga kjo valë ndryshimi, nga kjo erë ndryshimi që fryn në Europë lë të vazhdojmë ne këtë betejë dhe iu siguroj se në cdo ndryshim, ne afrohemi gjithnjë e më shumë drejt fitores. Iu uroj suksese, ju ftoj ju me kurajë të kandidoni për qytetarët para, të bashkive të vendit, të inkurajojmë shoqet tuaja, që ju i njihni, ua njihni aftësinë dhe talentin. Jam shumë i sigurtë se elektorati do t’iu mirëpresë ju, më shumë se sa të themi gjininë tjetër."- u shpreh Berisha./CNA.al





Lajmet e fundit nga