E fundit!

16:16 Aktualitet

Faktet/ Pse Veliaj vonon procesin gjyqësor dhe frika që ka nga drejtësia

Një person, i cili beson te pafajësia e tij, shkon dhe për...

"Oligarku" debaton me teologun/ Në anijen e famshme, librari të lëvizshme ku veç librave shkëmbehen edhe ide

9 Tetor 2022, 16:51, Aktualitet CNA

"Oligarku" debaton me teologun/ Në anijen e famshme, librari

Biznesmeni Gjergj Luca dhe teologu Arben Ramkaj

Biznesmeni dhe sipërmarrësi, Gjergj Luca, ka publikuar një video me teologun Arben Ramkaj, brenda anijes së famshme, librarisë lundruese, ku përveç librave kanë shkëmbyer edhe ide.

Një debat që Luca ka zhvilluar me teologun ka qenë për të vërtetën. Ata kanë shpjeguar se çfarë është e vërteta sipas perceptimeve të tyre.

Ajo për të cilën kanë rënë dakord si biznesmeni, ashtu edhe teologu, është se e vërteta i ka rrënjët e thella dhe me dije mund të ndërtohen qytetërimet.

Bashkëbisedimi i plotë:

Arben Ramkaj: Siç thoshin të parët tanë, thoshin me dije dhe me zhvillim i ngrenë popujt qytetërimet e tyre. Nuk ndërtohet qytetërim me fukarallëk dhe maskarallëk. Kështu që ky model…

Gjergj Luca: Jam shumë dakord, po thuaj problemin, ku ishte debati ynë që e kishim gjithë rrugës. Debati ynë ishte tek e vërteta. Pse nuk thua të vërtetën.

Arben Ramkaj: E vërteta…

Gjergj Luca: E vërteta rrënjët i ka te libri, rrënjët i ka te shpirti, rrënjët i ka tek indipendenca e njeriut kur njeriu e ka shpirtin dhe kokën plot.

Arben Ramkaj: Ashtu e thotë dhe libri i shenjtë.

Gjergj Luca: Dhe ti më the mua që Lucë, po. Më mirë rri te hija e pemës sesa të merresh me të vërtetën.

Arben Ramkaj: (Qesh) Jo, sesa interpretimi i së vërtetës…

Gjergj Luca: … sesa të merresh me të vërtetën….

Arben Ramkaj: ... sesa interpretimi i së vërtetës…

Gjergj Luca: Unë nuk interpretoj, unë them atë që ma ndien shpirti. Kështu që, për të vërtetën vëlla, se unë mendoj se e vërteta vjen nga puna dhe nga libri. Duhet të rrimë te hija e pemës, apo duhet të vazhdojmë të vërtetën për aq kohë sa t’i kemi sytë hapur?

Ti je teolog, je profesor, ma jep një përgjigje këtu që unë këtë përgjigjen tate ta ndaj me publikun, ta ndaj me miqtë dhe t'i them kush ka të vërtetë, teologu apo puna?

Arben Ramkaj: Kurani thamë më lart, libri i shenjtë i ynë thotë, i solli Zoti ynë një shembull të mirë të një peme me rrënjët e thella. E vërteta i ka rrënjët e thella, ndërsa degët e saj janë të larta. Kam frikë se ti rri te hija e pemës, jo te rrënjët dhe te degët e të vërtetës së pemës.

Gjergj Luca: Për Zotin, fjalët e tij janë me kuptim të madh. Unë te hija nuk kam ndenjur asnjëherë, gjithë jetën kam ndenjur në diell dhe ai profeti që kam unë te shtëpia ime më ka thënë gjithmonë, ki forcë për të parë të vërtetën gjithmonë në sy, ki forcë për ta pranuar të vërtetën te vetja dhe ki forcë për ta transmetuar të vërtetën për sa kohë ke dhe sytë hapur. Ma merr mendja se dhe ai (ngre sytë lart) te profeti vet I ka marrë mësimet.

Arben Ramkaj: Po, patjetër.

Gjergj Luca: Kështu që, jemi të dy në një linjë, po e lëmë barazim se jemi në mes të librave, në mes të bibliotekës.

Arben Ramkaj: Është një vlerësim i madh për shqiptarët që një anije e tillë rrotulluese me libra që shëtit globin, të jetë një model të tillë për të rinjtë tanë.

Gjergj Luca: Kjo anije ka ardhur nga deti miq, nga deti pa kufij, nga deti ku do të na vijë anija mbas një dy javës “Open Balkan” dhe ajo anije do të jetë dallëndyshja e parë që të na heqi nga koka jonë të gjithë problemet shekullore dhe të na lërë të gjithë bashkë për të ndërtuar një jetë më të mirë. Amin! Ben, Amin!

Arben Ramkaj: Zoti na ndihmoftë për të gjitha!

Gjergj Luca: Amin! Amin! Amin!/ B.A. – CNA.al