web counter
LEXO PA REKLAMA!

SHKARKO APP

App Store
Google Play

Policia merret me vjedhjen e një pule dhe dënohesh për një cigare hashash/ Gazetari flet për problemet e ligjit

10 Tetor 2022, 09:43, Aktualitet CNA

Policia merret me vjedhjen e një pule dhe dënohesh për një

Gazetari Julian Kasapi thotë se e gjithë policia e Kurbinit nuk duhej të ishte angazhuar me një ngjarje në Fushë Mamurras, ku u vodh një pulë, edhe pse përbën vepër penale.

Në emisionin “Good Morning Albanians” në "Euronews Albania", Kasapi u shpreh se uniformat blu e kanë trajtuar këtë rast si të ishte një ngjarje e rëndë kriminale.

“I gjithë angazhimi i policisë, i cili mendoj se nuk duhet të jetë për kështu ngjarjesh, siç ka qenë rasti në Fushë Mamurras, i marrjes së një kallëzimi se si gjatë natës persona të paidentifikuar kishin vjedhur një pulë. Thjesht ideja, persona të paidentifikuar, se kur flasim për persona të paidentifikuar, flasim gjithmonë për ngjarje kriminale apo grabitje banke.

Në këtë rast ishte vjedhur një pulë, patjetër që është një vepër penale, por gjithë kjo energji për të marrë kallëzim policia, e cila më pas dosjen e kishte dorëzuar në Prokurorinë e Kurbinit. Gjithë kjo energji e shpenzuar për vjedhjen e një pule”, theksoi ai.

Sipas gazetarit, ligji në Shqipëri ka probleme sa i takon dhënies së dënimit për vepra të ndryshme penale.

Kasapi u shpreh se aktualisht ligji është i njëjtë, si për dikë i cili kapet me një cigare hashash apo edhe një tjetër që kapet me 100 kg hashash.

“Unë mendoj se është si ato rastet kur kemi një person i cili kapet me një cigare hashash dhe një tjetër që kapet me 100 kg hashash. Ligji në Shqipëri vijon të jetë i njëjtë, si për një person i cili kapet me një cigare kanabis, ashtu edhe për një tjetër që kryen trafik të lëndëve narkotike.

Mendoj se ligji është një problem, dhe me të drejtë duhet të ketë një kategorizim. Duhet parë edhe aspekti njerëzor, është ndryshe të dërgosh për ndjekje penale një artist, i cili në studion e tij po hapte tri dritare dhe është ndryshe që në një pallat hapen dritare pa fund", theksoi ai./CNA.al





Lajmet e fundit nga