web counter
LEXO PA REKLAMA!

SHKARKO APP

App Store
Google Play

E fundit!

x

Shpallja “non grata” e Berishës/ Ambasadori britanik, mesazh politikanëve

26 Tetor 2022, 22:33, Aktualitet CNA
Shpallja “non grata” e Berishës/ Ambasadori britanik, mesazh
Ambasadori britanik, Alastair King-Smith

Ambasadori britanik, Alastair King-Smith, është pyetur mbrëmjen e sotme nëse shpallja “non grata”e kryetarit të PD-së, Sali Berisha është ndikuar nga SHBA.

King-Smith tha se qeveria britanike e ka marrë këtë vendim plotësisht në mënyrë të pavarur, në interes të vendit.

“Qeveria britanike i merr këto vendime plotësisht në mënyrë të pavarur, në interes të vendit tonë dhe kur njerëzit nuk konsiderohen më të dobishëm për të mirën publike të popullit britanik. Kjo është mënyra si i marrim këto vendime dhe kështu do të vazhdojmë t’i marrim”, u shpreh ai.

Për sa i përket drejtimin të së djathtës nga Berisha, ambasadori deklaroi se është shumë e rëndësishme që në funksion të zgjedhjeve vendore, partitë të zgjedhin kandidatë të lirë nga krimi dhe korrupsioni.

“Nuk më takon mua të komentoj politikën e brendshme këtu në Shqipëri. Por kjo është një kohë kur besoj se njerëzit në Shqipëri kanë një shans për të bërë zgjedhjen e tyre. Ne presim me padurim zgjedhjet lokale dhe më pas zgjedhjet e ardhshme të përgjithshme dhe shpresojmë dhe i bëjmë thirrje popullit dhe partive që të zgjedhin kandidatë të lirë nga krimi dhe korrupsioni, në mënyrë që Shqipëria të ndjekë një trajektore pozitive. Mendoj se është shumë e rëndësishme që në funksion të zgjedhjeve vendore, partitë të zgjedhin kandidatë të lirë nga krimi dhe korrupsioni”, theksoi ai./ B.A. – CNA.al





Lajmet e fundit nga