web counter
LEXO PA REKLAMA!

SHKARKO APP

App Store
Google Play

E fundit!

x

Pedagogët, të përçarë/ "Kush do arsim cilësor duhet të jetë këtu"

27 Tetor 2022, 10:19, Aktualitet CNA

Pedagogët, të përçarë/ "Kush do arsim

Pedagogët po vijojnë edhe sot protestën e tyre dhe bojkotin e procesit mësimor. Ata kërkojnë plotësimin e kërkesave të tyre, të cilat kanë karakter ekonomik, dhe kanë deklaruar se nuk do t’i ndalojnë protestat deri në momentin kur kërkesat e tyre të realizohen.

Mirëpo sipas raportimeve, mësohet se një pjesë e pedagogëve kanë vijuar të japin mësim, duke treguar kështu se mësimdhënësit nuk janë të gjithë në të njëjtin linjë.

Gjithsesi, gjatë protestës së sotme një nga pedagogët deklaroi se pedagogët që i janë bashkuar bojkotit nuk mund të detyrojnë pjesën tjetër që të vijnë. Por pedagogët pjesëmarrës duken të vendosur për ta vazhduar betejën e tyre edhe pa pedagogët që janë rikthyer në auditor, derisa Ministria e Arsimit të japë një zgjidhje.

“Mësim kanë bërë vetëm disa pedagogë. Ne nuk i detyrojmë pedagogët të vijnë në protestë. Kush do arsim më cilësor, kush do të bëjë kërkime shkencore cilësore duhet te jetë këtu. Ne çdo ditë do të bëjmë deklarata. Ministria e Arsimit ka sjellë një shkresë, për disa ngritje të grupeve të punës, por nuk ka paraqitur se si do zgjidhet problematika. Por jemi në pritje të vendimeve.”- u shpreh ai.

Protesta e sotme nuk mori përmasa kombëtare njëlloj siç kishin paralajmëruar pedagogët, dhe për këtë arsye protesta do të vijojë të zhvillohet në oborret e shkollave./CNA.al





Lajmet e fundit nga