web counter
LEXO PA REKLAMA!

SHKARKO APP

App Store
Google Play

E fundit!

x

A do ta pyesë SPAK-u Kryemadhin për vendndodhjen e Stela Gugalles?/ Apo do të bëjnë sikur po e kërkojnë

27 Tetor 2022, 09:54, Aktualitet CNA

A do ta pyesë SPAK-u Kryemadhin për vendndodhjen e Stela Gugalles?/

Ish-kryetarja e LSI-së, Monika Kryemadhi, është thirrur sot në SPAK, në lidhje me hetimet për inceneratorin e Elbasanit.

Për aferën me inceneratorin e Elbasanit janë shpallur në kërkim ndërkombëtar më kërkesë të SPAK-ut edhe Stela Gugallja me Klodian Zoton.

Para shpalljes në kërkim ndërkombëtar, autoritetet thanë se kanë kryer një sërë kërkimesh në vendin tonë, të cilat nuk kanë rezultuar të suksesshme dhe nuk është bërë e mundur gjetja dhe arrestimi i tyre.

Sot prokurorët e SPAK-ut që hetojnë këtë incenerator do të kenë përballë Monika Kryemadhin, e cila më herët ka folur për vendodhjen e Stela Gugalles që SPAK-u nuk e gjen dot.

Me 16 maj Kryemadhi ka reaguar në "Çim Peka Live" lidhur me akuzat e ngritura nga një media austriake, duke zbuluar kështu edhe vendndodhjen e Gugalles.

 “Është një fletushkë. Që nuk merr përsipër as të vendosë emrin e artikullshkruesit. Grupi i Vjenës, ku Stela Gugallja, Mirel Mërtiri, grupi i inceneratorëve që jetojnë në Vjenë, paguajnë para të shtrenjta për qiratë. Të subvencionuara dhe të nxitura nga zyra e kryeministrit Edi Rama. Në grahmat e fundit të një sulmi që mund të ndodhë së shpejti sepse dosja e inceneratorëve po pasurohet", u shpreh Kryemadhi.

A do ta marrin adresën e Gugalles prokurorët e SPAK-ut nga Kryemadhi, meqë e kanë aty, apo sërish do të vazhdojnë të luajnë të njëjtin film, se nuk gjendet./CNA.al

 





Lajmet e fundit nga