E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

“S’na bëni dot për budallenj”/ Tabaku: Kjo nuk ka ndodhur as nën drejtimin e Jozefina Topallit e as Gramos Ruçit

27 Tetor 2022, 11:10, Aktualitet CNA

“S’na bëni dot për budallenj”/ Tabaku: Kjo nuk ka

Në Komisionin për Ekonominë dhe Financat, ku po diskutohet projektbuxheti i vitit 2023, edhe aty deputetët e grupit përçarës të PD-së, kanë vijuar me zhurmat.

Jorida Tabaku është ankuar me argumentin se nuk votohen projektligjet në momentin që ministrja i prezanton.

“A ka mundësi të lexojmë ligjet që prezantojmë në Komision? Nuk ka ndodhur asnjëherë në momentin që Ministrja prezanton ligjet të zhvillohet mbledhja që miraton këto projektligje. Asnjëherë nuk ka ndodhur. Do kisha dashur që argumentet tona t’i përdornim për të diskutuar, ndërkohë që ne sot nuk kemi as luksin për të folur. Komisioni i Ekonomisë dhe i Financave nuk e ka ende të plotë, kanë ardhur vetëm tri ligje, ndërsa tri ligjet që kanë një efekt prej 100 milionë eurosh nuk kanë ardhur”, është shprehur Tabaku.

Kjo e fundit është ankuar edhe për mungesën e paketës të plotë fiskale.

Sipas saj është një arrogancë që vjen nga pushteti.

“Nuk e kemi paketën e plotë fiskale në asnjë fletë. Nuk ndahet buxheti i shtetit dhe projektligjet financiare, këto gjenerojnë efekte financiare që janë reflektuar në buxhet, kush është miratuar një ligj për lojërat e fatit, ne nuk mund të diskutojmë në ajër. Kurdo që ta ketë të nevojshme qeveria, të vijë dhe të diskutojmë, nuk mund të diskutojmë kështu, s’na bëni dot për budallenj. Pas anulimit të mbledhjes së djeshme, unë besoj që sot ne duhet të marrim ligjet e paketës fiskale, t’i lexojmë ato dhe të diskutojmë siç thotë rregullorja e këtij parlamenti. Kam 24 orë që përpiqem. E kuptoj që kemi një arrogancë që vjen nga pushteti, por për 30 vite nuk ka ndodhur kurrë që të vijmë këtu, si nën drejtimin e Jozefina Topallit apo edhe të Gramoz Ruçit, të vijmë dhe të diskutojmë në këtë mënyrë. Kur të ketë koha ministrja të vijmë të diskutojmë sërish”./CNA.al