web counter
LEXO PA REKLAMA!

SHKARKO APP

App Store
Google Play

E fundit!

x

Paralajmëruan protestë kombëtare/ Tërhiqen pedagogët?

27 Tetor 2022, 10:39, Aktualitet CNA

Paralajmëruan protestë kombëtare/ Tërhiqen pedagogët?

Pedagogët sot kanë dalë në protestë më të tërhequr.

Kreu i sindikatës së pedagogëve, Sandër Kovaçi, që pasi kishte paralajmëruar protestë kombëtare dhe për pasojë bojkot kombëtar, sot ka dalë me një qëndrim tjetër.

Ai ka thënë se protesta do të vazhdojë, por as mësimi nuk do të ndërpritet, duke u tërhequr kështu nga paralajmërimet e mëhershme. 

Për ta kamufluar tërheqjen ai ka quajtur bojkot të pjesshëm.

Ky qëndrim duket se vjen pasi një pjesë e pedagogëve në mbarë vendin kanë vijuar mësimin dhe nuk kanë marrë pjesë në protestë.

“Jemi në fazën kur ministria e arsimit ka sjellë një përgjigje, një pjesë prej tyre mendojmë se do jenë të zgjidhshme sepse kanë qenë vetëm pengesa të neglizhencës dhe moszbatimit të ligjit, ndërsa problemi kryesor për rritjen e financimit për arsimin e lartë, këto dy elemente nuk kanë marrë rrugën e zgjidhjes. Edhe 8% që mendon qeveria që mund të ezaurohet nga universitetet, deri tani vetëm një universitet ka dhënë përgjigje sa kanë mundësi, por vetëm për një vit.

Ndërkohë, vijojmë me kërkesën që duhet që këtë vit të ketë rritje, dhe të vijojë më pas në fazën e pagave që janë në rajone. Insistojmë me kërkesat tona, do vazhdojmë presionin që dhe parlamentin ta bindim për një ndryshim të projektbuxhetit. Kjo javë mbyllet me bojkot, dimë që disa nga fakultetet janë shprehur se do mbledhin asambletë, u bëjmë thirrje edhe asambleve të tjera të mblidhen dhe të marrin një pendim se si do të shkojë. Sot e nesër vijon bojkoti, do marrim vendim ditën e premte për vijueshmërinë, por derisa të marrin rrugë kërkesat tona, do vijojmë me bojkotin”, tha ai./CNA.al





Lajmet e fundit nga