E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Vrasja e Endri Mustafës/ Flet Ibrahim Lici

27 Tetor 2022, 15:05, Aktualitet CNA

Ibrahim Lici ka reaguar së fundmi për mediat nga Turqia, ku ka hedhur poshtë lajmet se ai është arrestuar nga policia ditët e fundit.

Mediat me titra raportojnë se Lici ka dërguar një mesazh audio për mediat ku sqaron se nuk është arrestuar dhe jeton i lirë. Lici gjithashtu ka hedhur poshtë dyshimet ndaj akuzave që iu bënë për vrasjen e Endri Mustafës, ku deklaron se kamerat e sigurisë dhe tabulatet telefonike kanë vërtetuar se ai ka qenë në Tiranë në momentin e vrasjes.

Ibrahim Lici është shapllur në kërkim ndërkombëtar nga autoritetet shqiptare, që në muajin maj të vitit 2021 për ekzekutimin e Endri Mustafës.

Mesazhi audio nuk është publikuar, por më poshtë po sjellim deklaratën që pretendohet se e ka thënë Ibrahim Lici.

Deklarata plotë e Licit nga Turqia:

Ibrahim Lici: Jam i lirë. Nuk jam arrestuar. Lidhur me ngjarjen për të cilën akuzohem për vrasjen e Endri Mustafes, kam dorëzuar kamerat në prokurori dhe qelizat telefonike që vërtetojnë që unë kam qënë në Tiranë në momentin që ka ndodhur krimi.

Kjo është e vertetuar me pamje dhe qeliza telefonike.

Unë pres vendimin e gjykatës për të zbardhur ngjarjen dhe për të çuar përpara drejtësisë autorët e vërtetë. Edhe për vrasjen e vëllezërve Bilali nuk kam qënë asnjëherë nën hetim nga prokuroria dhe jam shpallur në kërkim nga policia, pra në kërkim policor si person për t’u marrë në pyetje vetëm se nuk jam gjetur në banese.

Nuk kam patur asnjëherë konflikt me vëllezerit Bilali. Shumë e çuditshme të kërkohet ekstradimi im në një kohë që nuk jam arrestuar dhe i bëj thirrje policisë të dalin në deklaratë se ku dhe kur më ka arrestuar sepse unë jam i lirë dhe në pritje në drejtesisë. Jetoj i lirë në Turqi dhe pres të zbardhet ngjarja. Fotot e mia tregojnë qartë jetën e lirë që bëj në shtetin turk.- u shpreh ai./CNA.al