E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

"Sufllaqexhinjtë festojnë me fytyrën time"/ Me kë e ka Erion Kristo?

27 Tetor 2022, 13:09, Aktualitet CNA

"Sufllaqexhinjtë festojnë me fytyrën time"/ Me kë

Pedagogu Erion Kristo, së fundmi ka publikuar një status në "Facebook", ku ka sqaruar një fotografi të tijën, e cila ka bërë xhiron e rrjetit.

Në foto, siç e shikoni edhe më poshtë, Kristo shfaqet pas dy liderëve opozitarë, Sali Berishës dhe Ilir Metës.

Erion Kristo shprehet se e vërteta e kësaj fotoje është se kjo foto është shkrepur në ditën e promovimit të librit të Frank Shkrelit, një personalitet shqiptaro-amerikan.

Ai shprehet më tej se "sufllaqexhinjtë", po e përdorin këtë imazh, për të politizuar figurën e tij. Ky ishte dhe motivi se përse Kristo sqaroi fotografinë.

Statusi i plotë:

Ishte dita e promovimit të librit të Frank Shkrelit, një personalitet shqiptaro-amerikan. Nuk e njoh personalisht. Kemi botuar shkrime njëkohësisht te gazeta Telegraf. Unë e kam lexuar atë. Ai jo. Miku im, kryeredaktori i gazetës, më ftoi në promovim. Kur shkova aty, thashë: "Do ulem te rreshti i dytë, se kushedi vjen ndonjë kokmadh dhe më ngrenë. Nga rreshti i dytë nuk luaj." E kështu bëra. Kur vjen e më ngulet lartësia e tij mu përpara syve. Dhe pas tij, kingmakeri. Kjo është historia e fotos. Pra, është një foto proamerikane. Prej vitesh tashmë portalet proqeveritare e publikojnë pa pushim këtë foto, e cila shkel principet e etikës. Nuk ka pse fytyra ime të jetë aty. Dhjetëra miq ma kanë nisur këtë foto, si për të më pyetur se çfarë është. Është ajo që ju thashë. Pra, sufllaqexhinjtë festojnë me fytyrën time.
Mërzia më kaloi me kalimin e kohës. Edhe për një arsye tjetër: po kërkohet një kandidat për Tiranën. Dhe karma kurrë nuk ka folur kaq qartë. Kandidati i parë është në rreshtin e dytë. Nuk ka asnjë interpretim tjetër. Kur karma flet, duhet dëgjuar, se ajo zemërohet pastaj. Sondazhet që bëni janë muhabete kot. Unë e kam mbrojtur kauzën e publikut para çdo kandidati. Do isha pika më e mirë e sinergjisë.
P.S. Duke qenë që pak njerëz e kanë aftësinë për të lexuar dhe kuptuar, ju bëj me dije se e gjitha kjo është një lojë. Nuk e dua lodrën tuaj. Nuk më gëzon mua ajo që ju gëzon juve. Unë kam dalë në pension. Dhe do t'i gëzohem vetëm faktit që kam treguar guxim kur të tjerët nuk kanë pasur. Pra, do shijoj pensionin. Arsyeja që e shkrova është: o sufllaqexhinj m..i, mos kujtoni se keni këllqe të talleni me mua. Po të vijë puna për të tallur tra..n, unë vë në rrënjë katrore më të mirin. Po ju jeni shumë qesharakë dhe tashmë kam përgatitjen e duhur për t'u kënaqur kur ju del shkumë nga goja, duke fyer pa arritur të fyeni.
P.P.S. Edhe tani që e sqarova me saktësi, mezi pres të shijoj keqkuptimet e portaleve që duan të hanë vetëm m..
P.P.P.S. Kush preket nga ky postim, e bëj me dije se nuk më plas fare.- shkruan Kristo në statusin e tij./CNA.al

"Sufllaqexhinjtë festojnë me fytyrën time"/ Me kë