web counter
LEXO PA REKLAMA!

SHKARKO APP

App Store
Google Play

E fundit!

x

“Ka shantazhe dhe presione”/ Kovaçi: Do t'i shkojmë deri në fund kauzës

1 Nëntor 2022, 22:41, Aktualitet CNA
“Ka shantazhe dhe presione”/ Kovaçi: Do t'i shkojmë
Kreu i Sindikatës së Pedagogëve, Aleksandër Kovaçi

Kreu i Sindikatës së Pedagogëve, Aleksandër Kovaçi, ka deklaruar se do t’i shkohet deri në fund kauzës së pedagogëve, pavarësisht shantazheve dhe presioneve që po bëhen nga politika.

I ftuar në emisionin e Adi Krastës, Kovaçi tha se beson se në fund do të ketë rezultate reale.

"Ata në të cilët kanë marrë përsipër oponencën e kësaj situate, e cila me mënyrën se si i kanë pasur qasjet ndaj arsimit të lartë ka qenë i gabuar dhe ka sjellë pasoja dramatike për arsimin e lartë. Arsimi i lartë është në këtë gjendje që është sot sepse politika nuk e ka kuptuar si prioritet kombëtar, dhe që ta kuptosh e sheh që tek investimet që sa ke buxhetuar tek arsimi i lartë, sa ke buxhetuar në kërkimin shkencor, sa ke buxhetuar në studentët. Këtu nuk është financuar edhe studenti si student, në kuptim që studenti është ai që paguan me shumë ndoshta në rajon.

Ata do të qëndrojnë deri në fund me rezultate reale. Ata kanë vendosur që ky akt, të jetë akti i fundit i kësaj çështje. Shpresoj shumë në këtë kauzë. Mendoj me bindje në drejtësinë e saj. Nuk e kemi të lehtë sepse ju e dini mirë sesa shantazhimi dhe presioni ekziston aktualisht mbi këtë kauzë, sepse politika do që kauzat t'i minimizojë. Këto janë kauza që kanë nevojë të rrisin vëmendjen e politikbërjes mbi arsimin e lartë publik dhe për këtë do të insistojmë deri në fund", tha Kovaçi./ CNA.al





Lajmet e fundit nga