web counter
LEXO PA REKLAMA!

SHKARKO APP

App Store
Google Play

E fundit!

x

65-vjeçari nga Kosova blinte vajza shqiptare për 300 euro për djemtë e tij/ Si u mbajtën gratë në izolim për 16 vite

2 Nëntor 2022, 11:57, Aktualitet CNA

65-vjeçari nga Kosova blinte vajza shqiptare për 300 euro për

Një ngjarje tronditëse ka dalë në dritë, ku një familje nga Kosova me banim në Zvicër, akuzohet se kanë “blerë” vajza nga Shqipëria për 300 euro, për t’i bërë partnere të djemve të tyre dhe i keqtrajtonin dhe abuzonin për 16 vite me radhë.

“Blick” raporton se babai dhe djemtë e tij kanë dalë para gjykatës, nën akuzën e “abuzimit”, dhe thuhet se ata kanë sjellë nga Shqipëria vajza të moshave 14 deri në 17 vjeçe, duke ua dhënë për gra secilit prej 4 djemve të kësaj familjeje.

Për 16 vite me radhë këto vajza ishin keqtrajtuar, dhe ishin mbajtur për të bërë punët e shtëpisë, si dhe ishte abuzuar me to, por askush nuk e kishte kuptuar se çfarë ndodhte brenda mureve të shtëpisë së tyre.

Viktima e parë është marrë nga Shqipëria drejt Zvicrës në vitin 2003. Viktima e parë ka qenë 17 vjeçe në atë kohë, dhe ajo e njihte burrin e saj vetëm përmes fotove, pasi martesa ishte bërë me marrëveshje mes prindërve të djemve dhe prindërve të vajzës.

Një vajzë tjetër i është dhënë kësaj familjeje në moshën 14-vjeçare. Prindërit e saj jetonin në skamje dhe e kishin shitur vajzën e tyre për 300 euro.

Albrim F., 65 vjeç, së bashku me djemtë thuhet se kanë ushtruar dhunë fizike dhe psikologjike, si dhe i kanë kërcënuar me vdekje dhe izoluar.

“Më shumë se 20 herë e ka goditur me brez. Edhe pse ishte shtatzënë, ai e ka rrahur nusen derisa i ka dalë gjak dhe i ka shtrënguar fytin me të dyja duart”, thuhet në aktakuzën e njërit prej të pandehurve.

Këto gra nuk dilnin thujase kurrë nga shtëpia, dhe kontaktet me familjen ishin shumë të rralla. Avokati Dominic Nellen përfaqëson dy nga gratë në gjykatë dhe i ka shoqëruar për tri vjet.

Sipas tij, kjo sjellje është çnjerëzore, duke treguar se ky rast paraqet të drejtën zakonore mesjetare të kanunit.

 “Është një klan i madh familjar me sundimtar patriarkal vjehrrin. Ishte në qendër, jepte urdhrat”.- thotë avokati.

Ka qenë viti 2019, kur këto gra kanë arritur të arratisen, 16 vite pasi viktima e parë kishte mbërritur në atë familje./CNA.al

 

 





Lajmet e fundit nga